Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq bank: Teńge bir apta ishinde 0,6%-ǵa nyǵaıdy

2021 jyldyń 19 sáýir 2021 19:25

ALMATY. QazAqparat – QR Ulttyq banki 2021 jyldyń 9 – 16 sáýir aralyǵynda jekelegen damýshy elderdiń valıýtalary boıynsha sholý jasady, dep habarlaıdy QazAqparat tilshisi.

Saýda-sattyq qorytyndysy boıynsha 16 sáýirde teńgeniń naryqtyq baǵamy bir aptada 0,6%-ǵa (433,15-ten) nyǵaıyp, bir AQSh dollary úshin 430,39 teńge boldy.

Syrtqy valıýta naryǵynda 2021 jylǵy 9-16 sáýir aralyǵyndaǵy kezeńde damýshy elder valıýtalarynyń serpini ártúrli baǵytta boldy.

«Tutyný shyǵystarynyń ósýi aıasynda QHR ІJÓ 2021 jylǵy 1-toqsanda 18,3%-ǵa j/j ósti. AQSh ekonomıkasy da belsendi qalpyna keltirý týraly belgi berýde: naýryzda bólshek saýda ósimi 9,8%-dy a/a qurady, ónerkásip óndirisi 1,4%-ǵa a/a ósti. AQSh-taǵy tutynýshylyq baǵalar naýryzda 2012 jyldan beri rekordtyq qarqynmen ósti, +0,6% a/a»,- dep habarlady Ulttyq bankten.

Damýshy elder valıýtalarynyń AQSh dollaryna qatysty baǵamdarynyń serpini tómendegideı qalyptasty:

- Reseı rýbli AQSh tarapynan AQSh-tyń qarjy mekemeleriniń RF memlekettik qaryzynyń bastapqy naryǵyna qatysýyna tyıym salatyn sanktsııalar jarııalanǵannan keıin shıelenistiń tómendeýi aıasynda 2,2%-ǵa (77,43-ten 75,71-ge deıin) nyǵaıdy;

- Ońtústik Afrıka randy 2,1%-ǵa (14,61-den 14,31-ge deıin) nyǵaıdy. OB basshysy teńgerimdi ınflıatsııalyq táýekelder jáne tómen mólsherlemeler úshin keńistikti saqtaý týraly málimdedi;

- Brazılııa realy álemdegi eń iri ekonomıka – AQSh-tyń qalpyna kelý belgilerine baılanysty táýekel sentımenttiń qysqa merzimdi jahandyq jaqsarýy aıasynda 1,6%-ǵa (5,68-den 5,59-ǵa deıin) nyǵaıdy;

- Meksıka pesosy AQSh dollary baǵamynyń álsireýi jáne AQSh MBQ kiristiliginiń tómendeýi aıasynda 1,2%-ǵa (20,16-dan 19,92-ge deıin) nyǵaıdy;

- Túrik lırasy 1,2-ǵa (8,17-den 8,07-ge deıin) nyǵaıdy. OB mólsherlemeni 19% deńgeıinde saqtap qaldy, alaıda qatań aqsha-kredıt talaptaryn saqtaýǵa daıyndyǵy týraly burynǵy túsiniktemelerdi joqqa shyǵardy;

-Úndi rýpııasy eksporttaýshylardyń shetel valıýtasyn satýy aıasynda 0,5%-ǵa (74,75-ten 74,36-ǵa deıin) nyǵaıdy;

- Indonezııa rýpııasy bir apta ishinde ózgergen joq, 14 565 deńgeıinde qaldy.
Avtor Alma Muqanova
Basty sózder: QR Ulttyq banki, Ekonomıka,
Joǵary qaraı