Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq bank jartyjyldyqtaǵy tólem balansyna túsinik berdi

2021 jyldyń 4 qazan 2021 15:46

NUR-SULTAN. QazAqparat – Qazaqstan Ulttyq banki 2021 jylǵy birinshi jartyjyldyqtyń qorytyndysy boıynsha eseptik tólem balansyn qalyptastyrdy. Aǵymdaǵy shottyń tapshylyǵy 2021 jylǵy tamyzda jarııalanǵan aldyn ala baǵalaýmen salystyrǵanda 757 mln AQSh dollaryna ulǵaıyp, 2,4 mlrd AQSh dollaryn qurady, dep habarlaıdy QazAqparat.

«Aldyn ala baǵalaý men qorytyndy derekter arasyndaǵy aıyrmashylyq, eń aldymen, 2021 jyldyń ekinshi toqsanyndaǵy tólem balansy boıynsha kásiporyndardyń túpkilikti esepterin alýǵa baılanysty. Sheteldik tikeleı ınvestorlardyń kirisi aldyn ala baǵalaýmen salystyrǵanda 893 mln AQSh dollaryna ósken kirister balansynda eń úlken ózgeris boldy. Aldyn ala baǵalaýdy jarııalaý kezinde qalyptasqan kórsetkishter 2021 jyldyń ekinshi toqsanynda sheteldik ınvestorlar kirisiniń ósýin baǵalamady», - delingen UB málimetinde.

Taratylǵan málimetke qaraǵanda, sheteldik ınvestorlar kirisiniń ósýi negizgi quramdastar – dıvıdendter boıynsha jáne qaıta ınvestıtsııalanǵan paıda boıynsha baıqalady. Mundaı kiristerdiń basym bóligi munaı-gaz, ózge de taý-ken óndirý, qarjy sektorlaryna tıesili.

«Saýda balansy boıynsha aldyn ala baǵalaýǵa qatysty ózgerister shamaly jáne ýákiletti organdardyń saýda men respondentterdiń esebin jańartýǵa baılanysty», - dep atalyp ótken habarlamada.


Joǵary qaraı