Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Ulttyq ekonomıka mınıstrligi 2020 jylǵy JІÓ-ge boljam jasady

2020 jyldyń 8 shilde 2020 17:29

NUR-SULTAN. QazAqparat - 2020 jyldyń qorytyndysynda Qazaqstan jalpy ishki ónimi azdap ósim kórsetýi múmkin. Bul týraly QR Ulttyq ekonomıka vıtse-mınıstri Mádı Tákıev aıtty, dep habarlaıdy QazAqparat tilshisi.

«Ózderińiz de bilesizder, ekonomıka boljamy sáýir aıynyń basynda naqtylanǵan edi. Sol kezde biz konservatıvti boljam jasap, barynsha ortasha málimetterdi qabyldaǵan edik. Qazirgi ýaqytta koronavırýs indetine, saýda soǵystaryna, protektsıonızmge jáne energııa resýrstaryna baǵanyń aıtarlyqtaı quldyraýyna baılanysty sońǵy ǵasyrdyń ishinde alǵash ret álemdik ekonomıkanyń qatty qysqarýy baıqalady. Osy jyldyń 5 aıynyń qorytyndysynda bizde qyzmet kórsetý sektory 6,2 paıyzǵa tómendedi. Taýarlar óndirisi oń qarqyn saqtap otyr. Óndiristik sektordaǵy ósim 4,8 paıyzdy quraıdy. Bul 5 aıdyń qorytyndysyndaǵy naqty sandar», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, 2 aptaǵa engizilgen shekteý sharalary ekonomıkalyq turǵyda alǵanda tótenshe jaǵdaı rejımi kezindegi sharalardan ózgeshe bolyp keledi. ıAǵnı, temir jol, áýe tasymaly, júk tasymaly, qurylys jumystary jalǵasyp, shaǵyn azyq-túlikemes dúkenderi de jumysyn jalǵastyrady.

«Tolyqtaı alǵanda qyzmet kórsetý sektory aldaǵy ýaqytta tirtindep qarqyn ala bastaıdy. Óndiris sektorynyń da joǵary qarqyny oryn alyp otyr. Búgingi jalpy ishki ónim - 0,9 paıyzdy quraıdy. Biraq, jyl sońynda azdaǵan oń ósimge shyǵamyz dep joramaldaýǵa negiz bar», - dedi QR Ulttyq ekonomıka vıtse-mınıstri.


Joǵary qaraı