Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq keńes músheleri memlekettik nagradalarmen marapattaldy

2021 jyldyń 13 jeltoqsan 2021 14:21

NUR-SULTAN. QazAqparat – Búgin elordada Táýelsizdik kúni merekesi qarsańynda QR Prezıdenti Qasym-Jomart Toqaevtyń Jarlyǵyna sáıkes elimizdiń saıası, áleýmettik-ekonomıkalyq damýyna qosqan úlesi jáne belsendi qoǵamdyq qyzmeti úshin Ulttyq keńestiń bir top múshesi memlekettik nagradalarmen marapattaldy, dep habarlaıdy QazAqparat tilshisi.

«Aldymen barshańyzdy kele jatqan Táýelsizdik merekesimen quttyqtaımyn. 30 jylda elimiz birqatar jetistikke qol jetkizdi. Onyń bári halqymyzdyń yntymaqtastyǵy men eńbeginiń arqasy. Táýelsizdik kúni merekesi qarsańynda el damýyna eńbegi sińgen túrli sala mamandary men tulǵalar marapatqa ıe bolyp jatyr. Olardyń qatarynda Ulttyq keńes músheleri de bar. Árıne, qýanyshtymyz. Búgingi marapatty Ulttyq senim keńesiniń jumysyna berilgen baǵa dep esepteımin», - dedi QR Prezıdentiniń kómekshisi Erlan Qarın marapattaý rásiminde.

Onyń aıtýynsha, Ulttyq senim keńesi qurylǵaly 2,5 jyl ishinde elimizde 90-ǵa jýyq quqyqtyq-normatıvtik akti qabyldandy.

«Ár qujattyń artynda, qazaqstandyqtardyń múddesi qarastyrylǵan. Jáne atalǵan qujattar qoǵamdaǵy naqty bir máseleni sheshýge baǵyttalǵan. Memleket basshysy Ulttyq senim keńesiniń 15-ke jýyq belsendi múshesin túrli memlekettik nagradalarmen marapattap otyr. Bul keńes múshelerine qoǵamdaǵy túrli máselelerdiń sheshimin tabýyna qosqan úlesteri úshin berilip otyrǵan nagrada. Aldaǵy ýaqytta da birlese otyryp jumys isteıtinimizge senimdimin», - deıdi ol.

Sonymen Memleket basshysynyń Jarlyǵymen Parlament Májilisiniń depýtaty Baqytbek Smaǵul «Parasat» ordenimen nagradtaldy.

Sondaı-aq, «Qurmet» ordenimen marapattalǵandar qatarynda Murat Ábenov, Saıasat Nurbek, Táttigúl Talaeva men Qanat Saharııanov boldy.

Odan bólek, Ashat Sadyrbaı men Ýaıs Ersaıynulyna, Arman Qashqynbekov pen Órken Kenjebekke «Eren eńbegi úshin» medali, al Aleksandr Danılov pen Qaısar Tursynqojaǵa «Shapaǵat» medali tabystaldy.

Bórihan Nurmuhamedov jáne Maksım Rojın QR Prezıdentiniń alǵys hatymen marapattaldy.


Joǵary qaraı