Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq keńes Prezıdenttiń jańa reformalar josparyn qoldaıdy: Talǵat Qalıev depýtattar men sheneýnikterdiń eńbekaqysyn kóterýdegi moratorıı týraly pikir bildirdi

2022 jyldyń 13 qańtar 2022 17:00

NUR-SULTAN. QazAqparat – Qoldanbaly etnosaıası zertteýler ınstıtýtynyń dırektory Talǵat Qalıev depýtattar men sheneýnikterdiń eńbekaqysyn kóterýge bes jyldyq moratorıı týraly pikir bildirdi, dep habarlaıdy QazAqparat.

«Búginde baılar men kedeılerdiń arasynda, joǵary jáne tómen jalaqy alatyndar arasynda alshaqtyq bar. Meniń oıymsha, Prezıdent Qasym-Jomart Toqaev bul sheshimdi etıkalyq turǵydan qabyldady. Jalaqysy óte tómen mamandyqtar bar kezde mınıstrlerdiń tym joǵary jalaqy alýǵa jáne ony turaqty túrde kóterip otyrýǵa quqyǵy joq. Bul sheshim osy olqylyqty joıý maqsatynda qabyldandy», - dedi T. Qalıev Nur-Sultandaǵy Ulttyq qoǵamdyq senim keńesi músheleriniń otyrysynan keıin tilshilerge bergen suhbatynda.

Sonymen birge, T. Qalıev bul moratorııdiń qarapaıym memlekettik qyzmetshilerge qatysty bolmaýy keregin, olardyń jalaqysyn kóterip, daryndy basshylar úshin syılyqtar men bonýstar júıesin qarastyrýdy aıtty.

«Eger olar óz salalarynda aıtarlyqtaı ózgeristerge qol jetkize alsa, onda halyq bul talantty basshylardyń bonýstar alýyna qarsy bolmaıdy, al eger eshteńeni iske asyra almasa, onda marapat pen bonýs berýdiń de jóni joq», - dedi ol.

Talǵat Qalıev halyqty Premer-mınıstrlerdiń de, mınıstrlerdiń de jeke basy alańdatpaýy kerek degen pikir bildirdi.

«Halyqqa ózin-ózi tanytýǵa, bıznespen aınalysýǵa, eńbek etý quqyǵyn iske asyrýǵa barlyq jaǵdaı jasalýy tıis, qolaıly baǵalar men jalaqynyń qolaıly deńgeıi bolýy kerek», - dedi sarapshy.

Eske sala ketsek, Memleket basshysy Qasym-Jomart Toqaev Májilistiń jalpy otyrysynda depýtattar men ákimderdiń eńbekaqysyn kóterýge bes jyldyq moratorıı jarııalady.



Joǵary qaraı