Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq qor jınaqtaý rejıminen tutyný rejımine aýysyp ketti - senator

2021 jyldyń 21 maýsym 2021 13:34

NUR-SULTAN. QazAqparat – Ulttyq qor jınaqtaý rejıminen tutyný rejımine aýysyp ketti. Bul týraly búgin QR Parlamenti palatalarynyń birlesken otyrysynda Senat depýtaty Olga Perepechına aıtty, dep habarlaıdy QazAqparat tilshisi.

«Ulttyq qor jınaqtaý rejıminen tutyný rejımine aýysyp ketti. Jáne de bizge oryn alyp otyrǵan betalysqa óte tyńǵylyqty bolý qajet. Respýblıkalyq bıýdjettiń kirisinde jyl saıyn Ulttyq qor transfertteriniń úlesi ósip barady. 2020 jyly ol 40 paıyzdy qurady. Pandemııaǵa baılanysty ahýaldyń jaqsaratyndyǵyna ázirshe senim joq. Al memlekettik mindetteme kólemi ósip keledi. Áleýmettik blok shyǵystar qazirdiń ózinde bıýdjet kóleminiń 40 paıyzynan asyp ketti», - dedi senator.

Onyń atap ótýinshe, daǵdarys kezeńinde bul májbúrli ári negizi bar is-shara sanalady.

«Biraq, álemdik ekonomıkaniń túbegeıli ózgerýi aıasynda shıkizattyń emes kiristerdiń jańa kózderin izdeý jáne elimizdiń «qaýipsizdik jastyǵy» ári bolashaq urpaqqa arnalǵan qarajatty basqarýdyń ádisterin qaıta qarastyrý qajet», - dedi Olga Perepechına.


Joǵary qaraı