Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq qordyń valıýta aktıvteriniń kólemi qandaı

2022 jyldyń 16 qańtar 2022 19:58

NUR-SULTAN. QazAqparat – QR Ulttyq banki tóraǵasynyń orynbasary Álııa Moldabekova 2021 jyly Ulttyq qordyń valıýta aktıvteriniń kólemine áser etken faktorlar týraly túsindirdi, dep habarlaıdy QazAqparat.

«Aldyn ala derekter boıynsha Ulttyq qordyń valıýtalyq aktıvteri jeltoqsan aıynda 404 mln AQSh dollaryna artyp, 2021 jyldyń sońynda 55,3 mlrd AQSh dollaryn qurady. Birinshi kezekte 2021 jylǵy qarashada omıkron jańa shtamynyń anyqtalýyna baılanysty naryqtarda aıtarlyqtaı túzetýler bolǵanyn atap ótý qajet. Alaıda jeltoqsanda naryqqa qatysýshylar aýqymdy lokdaýndar tájirıbesinen ketý aıasynda barynsha optımıstik kózqarasta boldy. Nátıjesinde, jeltoqsannyń qorytyndysy boıynsha qarjy naryqtarynda qalpyna kelý baıqaldy», - dedi Á. Moldabekova.

Onyń aıtýynsha, Ulttyq qordyń ınvestıtsııalyq kirisi jeltoqsannyń qorytyndysy boıynsha oń bolyp, 916 mln AQSh dollaryn qurady.

«Bul rette, ótken aıda 368 mlrd teńge kóleminde kepildik berilgen jáne nysanaly transfertter bólý maqsatynda valıýta naryǵynda 839 mln AQSh dollary somasyna aktıvter satyldy. Jalpy, respýblıkalyq bıýdjetke transfertterdi alý aıasynda Ulttyq qordyń aktıvteri 2021 jyly 3,4 mlrd AQSh dollaryna tómendedi. Ótken jyly Ulttyq qordan 4,5 trln teńgege bıýdjetke transfertter bólýdi qamtamasyz etý úshin 9,6 mlrd AQSh dollaryna valıýtalyq aktıvter satyldy. Qorǵa shetel valıýtasynda túsetin túsimder bir jylda 3,9 mlrd AQSh dollaryn qurady», - dedi UB ókili.


Joǵary qaraı