Aýa raıy
Astana 0 °S
Almaty 16 °S
valıýta baǵamy
USD 389.59
EUR 429.06
RUB 6.05
CNY 55.07

Ulttyq tutynýshylar lıgasy: Dárilik preparattardy tekserý múmkin emes

2019 jyldyń 20 qyrkúıek 2019 17:30

NUR-SULTAN. QazAqparat - Ulttyq tutynýshylar lıgasynyń basshysy Svetlana Romanovskaıa dárilik preparattardy tekserýdiń qıyndyqtary týraly aıtty, dep habarlaıdy Qaqparat tilshisi.

«Búginde bizde dárilik preparattardy tekserý múmkin emes. Sebebi zerthanada tekserý úshin óndirýshige suranys joldaý kerek. Óz kezeginde óndirýshi budan bas tartýy múmkin, ıaǵnı olar aqparat bermeıtinin málimdeı alady», - dedi S. Romanovskaıa QR Saýda jáne ıntegeratsııa mınıstrliginiń Tutynýshylardyń quqyqtaryn qorǵaý komıteti ókilderimen kezdesý barysynda.

Sonymen qatar ol áleýmettik dárihanalarda dárilik preparattardyń quny boıynsha zertteý júrgizilgenin atap ótti.

«Nátıjesinde, «áleýmettik dárihana» degenniń standarty joq ekenin baıqadyq. «Áleýmettik dárihana» degenimiz ne? Bizdiń oıymyzsha, bul turǵyda adamdardy jańylystyryp otyr. Eger de ol áleýmettik bolsa, onda halyqtyń áleýmettik az qamtylǵan toptarymen jumys isteýi tıis. Sonymen qatar, tıisti jeńildikter joq. Sáıkesinshe, bizge kelip túsetin shaǵymdar óte kóp», - dedi Svetlana Romanovskaıa.

Budan buryn habarlanǵandaı, búgin elordada QR Saýda jáne ıntegratsııa mınıstrliginiń Tutynýshylardyń quqyqtaryn qorǵaý komıteti men Ulttyq tutynýshylar lıgasynyń arasynda memorandým jasaldy.



Joǵary qaraı