Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq ulan Bas qolbasshysynyń orynbasary taǵaıyndaldy

2020 jyldyń 24 qyrkúıek 2020 15:57

NUR-SULTAN. QazAqparat - Ulttyq ulan Bas qolbasshysynyń tárbıe jáne áleýmettik-quqyqtyq ister boıynsha orynbasary bolyp general-maıor Álibek Seralıev taǵaıyndaldy, dep habarlaıdy QazAqparat tilshisi.

Joǵary rangtaǵy ofıtserdi Ulttyq ulannyń jeke quramyna Іshki ister mınıstri Erlan Turǵymbaev tanystyrdy. Mınıstr Álibek Bolatuly quqyq qorǵaý salasyndaǵy basqarýshylyq bólikte úlken tájirıbege ıe ekenin, óz isin abyroımen atqaratynyna senim bildirdi.

Álibek Bolatuly Seralıev 1961 jyly dúnıege kelgen. Lenıngradtaǵy SSSR ІІM joǵary saıası ýchılıesin jáne Qaraǵandy qalasyndaǵy QR ІІM mektebin, Belarýs Respýblıkasynyń Áskerı akademııasynyń Bas shtabynyń fakýltetin bitirgen. Saıası laýazymdarda bolǵan.

2004 jyldan bastap 2008 jylǵa deıin QR ІІM Іshki ásker qolbasshysynyń tárbıe jáne áleýmettik-quqyqtyq jumysy boıynsha orynbasary qyzmetin atqarǵan.

2013 jyldyń mamyrynan bastap Ulttyq ulannyń «Ońtústik» jáne «Batys» qolbasshylyǵyn basqarǵan.





Avtor Aıan Bekenuly
Basty sózder: QR ІІM, Taǵaıyndaý,
Joǵary qaraı