Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq jobalar qandaı maqsatty kózdeıdi

2021 jyldyń 12 maýsym 2021 12:10

NUR-SULTAN. QazAqparat – Elordada ótip jatqan Prezıdenttik jastar kadrlyq rezerviniń forýmynda elimizde qolǵa alynyp jatqan Ulttyq jobalardyń basty maqsaty men qyzmeti atalyp kórsetildi, dep habarlaıdy QazAqparat tilshisi.

Atalǵan sharada Strategııalyq josparlaý jáne reformalar agenttiginiń tóraǵasy Qaırat Kelimbetov Ulttyq jobalardyń máni men mańyzy týraly aıtyp berdi.

«Ulttyq joba - Qazaqstandy alǵa damytatyn jańa reforma. Ulttyq jobany engizýde biz Reseı, Ulybrıtanııa, Malaızııa elderiniń tájirıbesin zerdeledik. Sebebi atalǵan elder osy jobaǵa kóship, óz ekonomıkasyn ilgeriletip otyr. Bizde buǵan deıin memlekettik baǵdarlamalar dep atalyp keldi. Memlekettik baǵdarlamalardyń qalaı júzege asyrylyp jatqanyna bárińiz kýásizder. Ulttyq jobanyń ereksheligi bastaǵan reformany aıaǵyna deıin jetkizý jáne ol eldiń árbir azamatyna qatysty. ıAǵnı aty aıtyp turǵandaı joba búkil ulttyq qamtıdy. Taǵy bir aıtyp aıtyp ketetin sát, ulttyq joba ol bir rettik nemese merzimdik shara emes kún saıyn, jyl saıyn jáne ómir boıy júzege asyrylatyn ulttyq damý»,- dedi Q. Kelimbetov.

Onyń aıtýynsha, Ulttyq jobany júzege asyrý úshin Úkimet janynan arnaıy jobalyq keńse ashyldy.

«Al biz óz kezegimizde agenttik janynan ulttyq saraptamalyq ortalyq quryp otyrmyz. Maqsat – ulttyq jobanyń qalaı júzege asyrylyp jatqanyn saraptaý. Odan bólek, Tsıfrlyq damý mınıstrliginde tsıfrlandyrý júıesin qadaǵalaıtyn ortalyq ashyldy. Mınıstrlik ulttyq jobalardyń zamanaýı túrde qoljetimdi bolýyna jaýapty. ıAǵnı jumysty úshjaqtap atqaratyn bolamyz», - deıdi ol.

Sondaı-aq, agenttik basshysy Ulttyq jobalardyń basty úsh qyzmetin atap berdi.

«Birinshiden, Ulttyq jobalar keńaýqymdy bolýy tıis. Jáne oǵan respýblıkanyń árbir azamaty óz úlesin qosqany jón. Ekinshiden, jobalyq basqarý. Ol degenimiz ýaqyttyń talabyna saı basqarýdyń formasyn ózgertip otyrý jáne adamdardyń da ózgere bilýi. ıAǵnı zaman aǵymynan qalyp qoımaýymyz kerek. Úshinshi, ol jasandy ıntellekt. Qazirgi tańda adamzat ómirinde jasandy ıntellekt úlken oryn alady», - dedi Q. Kelimbetov.

Joǵary qaraı