Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq jobalardy júzege asyrýǵa bólingen qarajatty baqylaıtyn komıssııa qurylady

2021 jyldyń 19 qazan 2021 19:21

NUR-SULTAN. QazAqparat – QR Prezıdenti Jarlyǵymen bekitilgen 10 ulttyq jobany júzege asyrýǵa bólingen qarajattyń ıgerilýin baqylaıtyn arnaýly komıssııa qurylady. Bul jaıynda TALAP.Talks alańynda suqbat bergen QR Strategııalyq josparlaý jáne reformalar agenttiginiń tóraǵasy, «Astana» HQO basqarýshysy Qaırat Kelimbetov aıtty, dep habarlaıdy QazAqparat tilshisi.

«Esterińizde bolsa, 2008-2009 jyldary jahandyq qarjy daǵdarysy bolǵan kezde Ulttyq qordan qomaqty qarajat bólingen bolatyn. Barlyq ýaqytta da arnaýly komıssııa quryldy. Ony ádette Esep komıtetiniń tóraǵasy basqaryp, onyń jumysyna barlyq quqyq qorǵaý organy, retteýshiler, Qarjy mınıstrliginiń ókilderi qatysty. Muny qadaǵalap otyrý óte mańyzdy. Atalǵan qarjynyń paıdalanýyn, tıimdi paıdalanýyn qadaǵalaý mańyzdy ekendigi sózsiz. Sondyqtan, bólingen qarjattyń paıdalanýyn baqylaý jónindegi mundaı komıssııa jyldyń sońyna deıin qurylady», - dedi Qaırat Kelimbetov.

Onyń atap ótýinshe, Ulttyq jobalarǵa jumsalatyn bıýdjet qarajatynyń basym bóligi memlekettiń áleýmettik mindettemeleri aıasynda qarastyrylǵan.

Esterińizge sala keteıik, QR Prezıdentiniń Jarlyǵymen 10 ulttyq joba tizbesi bekitilgen bolatyn.



Joǵary qaraı