Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq jobalarǵa qatysty monıtorıngige árbir sarapshy qatysa alady

2021 jyldyń 19 qazan 2021 16:12

NUR-SULTAN. QazAqparat - Ulttyq jobalardyń júzege asyrylýyna monıtorıng júrgizý keńsesiniń jetekshisi Arman Evnıev ulttyq jobalardy júzege asyrý jumystary jaıynda aıtyp berdi, dep habarlaıdy QazAqparat tilshisi. Aıta keteıik, jaqynda QR Prezıdenti Ulttyq jobalar tizbesin bekitý týraly Jarlyqqa qol qoıdy.

Ulttyq jobalardyń iske asyrý úderisine monıtorıng júrgizýdi júzege asyrý maqsatymen Qazaqstan Respýblıkasynyń Úkimeti matrıtsalyq qurylym negizinde Ulttyq jobalardyń júzege asyrylýyna monıtorıng júrgizý ofısin qurdy.

Keńse qyzmetkerleri memlekettik organdar men múddeli uıymdardyń aǵymdaǵy shtatty qyzmetkerleriniń qatarynan jasaqtalǵan. Búgin Ortalyq kommnıkatsııalar ortalyǵynda keńse jetekshisi Arman Evnıev atalǵan ulttyq jobalar bekitilip, tıisti sheshim jasalǵanyn eske saldy.

«Ár jobanyń kórsetkishteri men ındıkatorlary bar. Jobalyq menedjmenttiń tásili men talaby osy nátıjelerge jetkizýdi kózdeıdi. Bizdiń ofıs jasaqtalǵannan beri arnaıy qajetti normatıvtik-quqyqtyq baza quryldy. Atap aıtqanda, osy jumystyń barysynda ár ulttyq jobany nátıjege, josparlanǵan kórsetkishterge jetkizý eskerilgen. Kúndelikti monıtorıng jasalady. Tıisti qaýlyda kóptegen jańashyldyqtar men ınnovatsııalyq tásilder bar. Onyń biri – jobalyq- jelilik júıeni qurý. Bul turǵyda atalǵan qaýlynyń negizinde ár azamat, ár sarapshy osy monıtorıngige qatysa alady», - dedi A. Evnıev.

Atap aıtqanda, belgili bir salalarda qajetti mashyqtardy ıgergen jáne nıetti kez kelgen elimizdiń azamaty belgili bir jobalyq róldi atqara otyryp, tıisti ulttyq jobalarǵa kiretin kez kelgen jobany júzege asyrýǵa naqty atsalysa alady degendi bildiredi. Taratylǵan málimetke qaraǵanda, qazirgi kezde Prezıdent ákimshiligi men Úkimettiń tapsyrmasyna sáıkes, jobalyq basqarýdyń birtutas ekojúıesin qalyptastyrý jumysy aıaqtalyp keledi. Ekojúıege matrıtsalyq qurylymnyń negizinde memlekettik organdar men olarǵa baǵynyshty mekemelerdiń shtatty qyzmetkerlerinen quralǵan 44 jobalyq ofıs kiredi.

Keńse aqparattyq tehnologııalardy paıdalana otyryp, ulttyq jobalarǵa onlaın-monıtorıng júrgizetin júıeni ázirlep qana qoımaı, sonymen qatar barlyq 44 jobalyq ofıske uıymdastyrý-ádistemelik qoldaý kórsetý jáne oqytýmen aınalysady. Óz kezeginde QR UEM Jobalyq basqarý saıasaty departamentiniń dırektory Ilona Shvartskopf jobalyq basqarýdy júrgizýdiń erejesinde jobalardy júzege asyrý barysyna monıtorıngi úshin qoǵamdyq toptardy qurý eskerilgenin aıtty.

«Ulttyq jobalardy júzege asyrýda el azamattaryn belsendi qatysýǵa shaqyramyz», - dedi I. Shvartskopf.


Avtor Rýslan Ǵabbasov
Basty sózder: Ulttyq joba,
Joǵary qaraı