Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulybrıtanııada koronavırýs juqtyrý kórsetkishi boıynsha jańa antırekord ornady

2021 jyldyń 18 qazan 2021 19:53

NUR-SULTAN. QazAqparat - Ulybrıtanııa koronavırýs juqtyrý oqıǵalary sany jaǵynan jańa antırekord ornatty, onda úsh aıda vırýs juqtyrýdyń eń joǵary sany tirkelip otyr, dep habarlaıdy QazAqparat Euronews aqparat agenttigine silteme jasap.

Osylaısha, sanıtarlyq bılik sońǵy táýlikte 45 myń jańa oqıǵa men 57 ólim oqıǵasy týraly málimdedi.

Mamandar oń nátıjeniń eń kóp bóligi jasóspirimder arasynda anyqtalǵanyn atap ótti.

Qazirgi kezde elde 12-15 jas aralyǵyndaǵy balalardy vaktsınalaý bastalyp jatyr.

Qaýipti vırýs juqtyrý kórsetkishi Reseıde de ósip keledi: elde 34 myńnan astam adam aýrýǵa shaldyǵyp, bir myńǵa jýyǵy odan kóz jumdy.

Vırýstyń kezekti tolqyny kezinde eldiń densaýlyq saqtaý mınıstrligi zeınetker dárigerlerden jumysqa oralýyn surady.

Rýmynııada aýrý juqtyrý oqıǵalary sanynyń ósimin ustap qalýǵa tyrysyp jatyr: Býhareste qoǵamdyq oryndarda júrý úshin arnaıy sanıtarlyq ótkizý qaǵazy qajet.

Búginde Rýmynııa astanasynda árbir bir myń turǵynǵa shaqqanda 16 jańa oqıǵa tirkelýde. El turǵyndarynyń nebári 27 paıyzy ekpe saldyrtqan.

Al Italııada sanıtarlyq ótkizý beketteriniń qoıylýyna qarsy narazylyq sharalary jalǵasyp keledi.

Endi el azamattary jumys oryndaryna kirýi úshin de arnaıy ótkizý qaǵazdaryn alýy tıis.

Demalys kúnderi 300-ge jýyq adam Italııanyń soltústik-batysyndaǵy Genýı kemejaıynyń kireberisin buǵattady, Trıesta kemejaıynda júzdegen adam jınaldy.

Italııada 5 mıllıonǵa jýyq jumysker vaktsına almaǵan: olar qyzmetten shyǵarylmasa da, jumyssyz júrgeni úshin aqsha tólenbeı otyr.


Basty sózder: Álem, Koronavırýs, Statıstıka, Eýropa,
Joǵary qaraı