Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulytaýdaǵy órt 46 myń gektar alqapty sharpyǵan

2021 jyldyń 29 shilde 2021 13:08

NUR-SULTAN. QazAqparat – Qaraǵandy oblysynyń Ulytaý aýdanynda shildeniń basy men aıaǵynda bolǵan dala órti 46 myń gektar jerdi sharpyǵan, habarlaıdy QazAqparat tilshisi.

Bul týraly ortalyq kommýnıkatsııalar qyzmetinde ótken brıfıngide Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Marat Hasenov málim etti.

«Bıyl shildeniń ózinde ǵana 796 tabıǵı órt pen jalyn sóndirildi. Onyń 120-sy ormanda bolǵan. Eń iri orman órtteri Qaraǵandy jáne Aqmola oblystarynda tirkelip, saldarynan eki adam qaza boldy. 3-7 shilde aralyǵanda jáne 25-27 shilde aralyǵynda Qaraǵandy oblysynyń Ulytaý aýdanynda ǵana 7 iri dala órti bolyp, 46 myń gektardan astam jerdi sharpydy. Ulytaýdaǵy órtti óshirýge sekýndyna 8 metr jyldamdyqpen uıytqyp soqqan qatty jel kedergi keltirdi», - dedi Tótenshe jaǵdaı ókili.

Eske salsaq, aıdyń basynda bolǵan tilsiz jaýdyń kesirinen Ulytaý aýdanynyń úsh aýyldyq - Jangeldi, Aqtasty, Amangeldi okrýginde Tótenshe jaǵdaı rejımi jarııalanǵan bolatyn.



Joǵary qaraı