Úndistan men Pákistan oq atýdy toqtatý týraly kelisimge keldi
NUR-SULTAN. QazAqparat - Úndistan men Pákistan áskerıleri Kashmırdegi daýly shekara boıynda oq atýdy toqtatýǵa kelisti. Bul týraly Úndistan jáne Pákistan áskerı operatsııalary Bas shtabtarynyń birlesken málimdemesinde aıtylady, dep habarlaıdy QazAqparat Reuters aqparattyq agenttigine silteme jasap.
Taraptar eki eldiń qadaǵalaýyndaǵy aýdandardy bólip turǵan Qadaǵalaý jelisinde (Line of Control; LOC) oq jaýdyrýdy toqtatý boıynsha kelissózder júrgizilip jatqanyn atap ótti.
Úndistan men Pákistan ókilderi Qadaǵalaý jelisi men ózge ýchaskelerdegi jaǵdaıdy baǵalap, problemalar men kelispeýshilikterdi retteýge ózara kúsh salýǵa kelisti.
«Eki tarap 2021 jyldyń 24-25 aqpandaǵy túngi ýaqyttan bastap Qadaǵalaý jelisi men basqa ýchaskeler boıyndaǵy oq jaýdyrýdy toqtatý týraly barlyq kelisimdi qatań saqtaýǵa ýaǵdalasty», - delingen birlesken málimdemede.
Bul eki ıadrolyq derjava 1947 jyly Brıtanııadan táýelsizdik alǵan kezden beri Kashmırdiń derbestigi tóńiregindegi narazylyqqa baılanysty úsh ret soǵysqan bolatyn.
