Úndistanda koronavırýspen aýyrǵandar jatqan qonaq úı órtendi

NЬıÝ-DELI. QazAqparat – Jeksenbi kúni «Svarna palas» úndi qonaq úıinde bolǵan órtten jeti adam kóz jumyp, taǵy 15 adam zardap shekti. Bul qonaq úı koronavırýs ınfektsııasyn juqtyrǵan naýqastarǵa arnalǵan karantındik jáne emdeý mekemesi retinde paıdalanýǵa berilgen, dep habarlaıdy QazAqparat NDTV telearnasyna silteme jasap.

Telearnanyń habarlaýynsha, órt Andhra-Pradesh shtatynyń Vıdjaıvade qalasynda bolǵan.

«Órt saldarynan jeti adam qaza taýyp, 15-20-sy zardap shekti. Olar shuǵyl aýrýhanaǵa jetkizildi. Eki-úsheýiniń jaǵdaıy asa aýyr», - dedi jergilikti polıtsııa qyzmetkeri.

NDTV telearnasynyń málimetinshe, órt naýqastar arasynda dúrbeleń týdyrǵan, olardyń keıbireýleri ǵımarattan sekirip ketken. Mekemede barlyǵy 22 naýqas em qabyldap jatqan.

Aldyn ala málimetter boıynsha, órttiń shyǵýyna qysqa tuıyqtalý sebep bolǵan.