Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úndistannyń shyǵysynda bolǵan atys 14 adamnyń ómirin qıyp ketti

2021 jyldyń 5 jeltoqsan 2021 12:57

NAGALEND. QazAqparat – Úndistannyń soltústik-shyǵysyndaǵy Nagalend shtatynda áskerı operatsııa kezinde aýyl turǵyndaryn kóterilisshiler dep shatastyrǵan. Atys saldarynan kem degende 13 beıbit turǵyn men Úndistannyń qaýipsizdik kúshteriniń bir ókili mert boldy, de habarlaıdy QazAqparat NDTV telearnasyna silteme jasap.

Telearnanyń málimetinshe, qaýipsizdik kúshteri kóterilisshilerge qarsy operatsııa josparlaǵan. Alaıda olar jaqyn mańdaǵy aýyldyń turǵyndaryn kóterilisshiler dep qatelesken. Nátıjesinde áskerıler birneshe beıbit turǵyndy atyp tastady.

Muny kórgen basqa aýyl turǵyndary áskerılerge shabýyl jasaǵan, sońǵysy, derekkózge sáıkes, «ózin-ózi qorǵaý maqsatynda» oq jaýdyrǵan jáne taǵy birneshe beıbit turǵyn óltirilgen. Sondaı-aq bir áskerı adam qaza tapty.

Úndistan ІІM basshysy Amıt Shah óziniń Twitter-degi paraqshasynda qaza bolǵandardyń otbasylaryna kóńil aıtty. Onyń aıtýynsha, shtat komıssııasy oqıǵaǵa qatysty jan-jaqty tekseris júrgizedi.



Basty sózder: Oqıǵa, Álem,
Joǵary qaraı