Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úsh adam Kaspıı teńizine batyp ketti

2022 jyldyń 16 mamyr 2022 20:45

AQTAÝ. QazAqparat - Mańǵystaý oblysynda úsh adam sýǵa ketti, dep habarlaıdy QazAqparat.

Bul jaıynda oblystyq tótenshe jaǵdaılar departamenti azamattyq qorǵaý basqarmasynyń bastyǵy Saıat Battalov málim etti.

Onyń aıtýynsha, búgin saǵat 17.32 kezinde qutqarý qyzmetine kýágerler habarlasyp, Aqtaý qalasynyń 4-móltekaýdanynda, shomylýǵa ruqsat etilmegen jerde tórt adamnyń Kaspıı teńizine batyp bara jatqanyn jetkizgen.

Onyń bireýin sol mańdaǵy adamdar jaǵaǵa shyǵaryp úlgergen. Úsh adamdy qutqarý múmkin bolmady.

«Qutqarý jumysyna qolaısyz aýa raıy kedergi jasady. Kúshti jelden teńiz betinde úlken-úlken tolqyndar kóterildi. Sondyqtan qazir izdeý jumysy tek teńiz jaǵalaýynda júrgizilip jatyr», - dep atap ótti azamattyq qorǵaý basqarmasynyń bastyǵy.

Qutqarylǵan 1996 jyly týǵan Beıneý aýylynyń turǵyny aýrýhanaǵa jetkizildi, jaǵdaıy birqalypty.

1999 jyly týǵan bir azamat pen Qaraǵandy qalasynyń 2 turǵyny sýǵa ketti. Olardyń jeke basy anyqtalyp jatyr. 19.58 kezinde Qaraǵandynyń bir turǵynynyń denesi sýdan shyǵaryldy.

Oqıǵa ornynda 10 qutqarýshy jáne 2 tehnıka, 3 dáriger jumys istep jatyr.

Qutqarýshylar sýǵa túsýge arnalmaǵan jerde shomylmaǵan jón eskenin eske salady.


Avtor Janat Qapalbaeva
Basty sózder: Oqıǵa, Mańǵystaý oblysy,
Joǵary qaraı