Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Úsh aptada Qazaqstanǵa PTR anyqtamasyz ushyp kelgen 31 shetel azamaty deportatsııalandy

2020 jyldyń 27 qazan 2020 16:49

NUR-SULTAN. QazAqparat – Kóliktegi bas memlekettik sanıtarlyq dáriger Sádýaqas Baıǵabylov 6 qazannan beri Qazaqstanǵa halyqaralyq áýe reısteri boıynsha 426 ushaq ushyp kelgenin málim etti, dep habarlaıdy QazAqparat tilshisi.

«6 qazannan bastap tıisti qaýly talaptaryna sáıkes sheteldik azamattar PTR test anyqtamasyz áýe bortyna kirgizilmeýi tıis. Alaıda olardyń keıbiriniń anyqtamasynyń ýaqyty ótip ketkendikten nemese keıbiri ekspress-testpen kelgendikten 31 sheteldik azamat deportatsııalandy. Deportatsııalanǵan 31 jolaýshy - Reseı, Ýkraına, Belarýs, Túrkııa, Germanııa, Ulybrıtanııanyń elderiniń azamattary», - dedi Sádýaqas Baıǵabylov OKQ-da ótken baspasóz máslıhatynda.

Onyń aıtýynsha Qazaqstanǵa halyqaralyq áýe reısteri boıynsha 426 ushaq ushyp kelgen. Olardyń ishinde 19 reısten koronavırýs juqtyrǵandar anyqtalǵan.

«Halyqaralyq áýe reısterine júrgizilgen monıtorıng barysynda koronavırýs juqtyrǵan 39 jolaýshymen baılanysta bolǵan azamattardan jáne bortserikterden vırýs anyqtalmady», - dedi ol.

Eske sala ketsek búgin QR Úkimetiniń baspasóz qyzmeti vedomstvoaralyq komıssııanyń áýe kompanııalaryna PTR testi nátıjesi týraly anyqtamasy joq jolaýshylardy ushaqqa otyrǵyzýǵa tyıym salý týraly sheshimin túsindirgen bolatyn. Bul talap tek sheteldik azamattarǵa qatysty. Shetelde júrgen QR azamattarynyń áýe reısterimen PTR testileýden ótkeni týraly anyqtamasynsyz otanyna oralýǵa quqyǵy bar. Mundaı jaǵdaıda Qazaqstanǵa kelgennen keıin qazaqstandyqtar PTR testileý nátıjesin alǵanǵa deıin karantınge ornalastyrylatyn bolady. QR óńirleri arasyndaǵy ishki áýe reısteriniń ushaǵyna otyrǵyzý kezinde PTR test nátıjesi týraly anyqtama talap etilmeıdi.


Joǵary qaraı