Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úsh óńirde 2 gradýs úsik júredi - Qazgıdromet

2021 jyldyń 7 mamyr 2021 00:32

NUR-SULTAN. QazAqparat – Qazgıdromet 7 mamyrǵa arnalǵan aýa raıy boljamyn usynady, dep habarlaıdy QazAqparat.

Qazaqstan terrıtorııasynyń basym bóliginde frontaldy bóliktiń ótýine baılanysty qubylmaly aýa raıy kútiledi. Keı jerlerde jańbyr jaýady, naızaǵaı jarqyldaıdy. Tek elimizdiń batysy jáne soltústigi antıtsıklonnyń yqpalynda bolǵandyqtan jaýyn-shashynsyz aýa raıy saqtalady.

Respýblıkanyń keı jerlerinde jeldiń kúsheıýi, ońtústik jáne ońtústik-shyǵysta shańdy daýylmen birge kúsheıedi, burshaq jaýýy yqtımal.

Jambyl, Túrkistan, Almaty oblystarynyń keı jerlerinde burshaq jaýýy yqtımal, jeldiń jyldamdyǵy 15-21 m/s jetedi.

Túrkistan, Jambyl oblystarynyń keı jerlerinde qatty daýyl kútiledi. Soltústik Qazaqstan, Shyǵys Qazaqstan, kúndiz Pavlodar, Qyzylorda oblystarynyń keı jerlerinde jel 15-20 m/s kúsheıedi.

Túnde Aqmola, Qostanaı, Soltústik Qazaqstan oblystarynyń keı jerlerinde 2 gradýs úsik kútiledi.


Basty sózder: Qazgıdromet, Aýa raıy,
Joǵary qaraı