Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Úsh jylda 170 eldi mekende radıo qabyldaý qamtamasyz etildi

2020 jyldyń 28 qazan 2020 15:42

NUR-SULTAN. QazAqparat - Tsıfrlyq efırlik telehabar taratý jobasyn júzege asyrý merzimi 2022 jylǵa deıin uzartylady. Bul QR Aqparat jáne qoǵamdyq damý mınıstri Aıda Balaevanyń Májilis depýttarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Qazirgi ýaqytta mınıstrlik tsıfrlyq efırlik telehabar taratý jobasyn júzege asyrý merzimin 2022 jylǵa deıin uzartý jəne odan əri qarjylandyrý maqsatynda qarjy-ekonomıkalyq negizdemeni túzetý boıynsha jumys júrgizýde. Sonymen qatar, halyqty memlekettik radıohabar taratýmen qamtý aımaǵyn keńeıtý maqsatynda 2018-2020 jyldar aralyǵynda mınıstrlik tarapynan radıojıilikterdi bólý boıynsha konkýrstar ótkizildi. Nətıjesinde osy kezeńde 17 radıotaratqysh ornatyldy. Bul shamamen 450 myń adam sany bar 170 eldi mekende (Almaty, Shyǵys Qazaqstan, Qostanaı, Soltústik Qazaqstan jáne Túrkistan oblystary) radıo qabyldaýdy qamtamasyz etýge múmkindik berdi», - dedi mınıstr.

Onyń atap ótýinshe, qazirgi jaǵdaıda qoldanystaǵy memlekettik radıohabar taratý jelisi halyqtyń 88,7 paıyzyn Qazaq radıosymen, 64 paıyzyn Shalqar radıosymen qamtamasyz etip otyr.

«Degenmen, shaǵyn aýyldyq eldi mekenderde otandyq radıonyń taralý deńgeıi tómen ekenin atap ótý qajet. Məselen, «Qazaq« radıosy baǵdarlamasymen aýyldyq eldi mekenderdiń 48 paıyzy, «Shalqar» radıosy baǵdarlamasymen eldi mekenderdiń 70 paıyzdan astamy qamtylmaǵan. Bul rette shekara mańyndaǵy aýdandar halqynyń keminde 95 paıyz deńgeıinde memlekettik radıohabar taratýmen qamtý úshin eleýli qarjylaı shyǵyndar talap etiledi. Osyǵan oraı, halyqty memlekettik radıotaratýmen qamtý aımaǵyn keńeıtý maqsatynda odan əri júıeli jumys júrgizý úshin mınıstrlik tarapynan radıotaratýdy kezeń-kezeńimen damytýdyń jol kartasyn əzirleý josparlanýda», - dedi Aıda Balaeva.


Joǵary qaraı