Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úsh jyldyq bıýdjette áleýmettik mindetterge erekshe nazar aýdaryldy - Nurlan Nyǵmatýlın

2021 jyldyń 20 qazan 2021 13:01

NUR-SULTAN. QazAqparat – Parlament Májilisiniń tóraǵasy Nurlan Nyǵmatýlın palatanyń «2022 – 2024 jyldarǵa arnalǵan respýblıkalyq bıýdjet týraly» zań jobasy maquldaýyna qatysty pikir bildirdi, dep habarlaıdy QazAqparat tilshisi.

«Úsh jyldyq bıýdjette birinshi kezekte ádettegideı áleýmettik mindetterdi qarjylandyrýǵa erekshe nazar aýdaryldy. Shyn máninde bıýdjettiń jartysy osy salaǵa arnalyp otyr. Sonymen birge, eńbekpen qamtý, kásipkerlikti qoldaý, bıznesti damytý, aýyldy órkendetý jáne basqa da salalarǵa tıisti qarajat qaraldy. Osynyń nátıjesinde elimizdiń, halqymyzdyń áleýmettik-ekonomıkalyq baǵytyn odan ári nyǵaıtýǵa taǵy bir naqty qadam jasadyq», - dedi N. Nyǵmatýlın Májilistiń jalpy otyrysynda.

Osy oraıda ol aldaǵy eń basty mindet – bekitilgen qarajatty josparǵa sáıkes der kezinde tıimdi ıgerý ekenin atap ótti.

«Osy jolda Úkimet depýtattyq korpýspen birge nátıjeli jumys atqarady dep senemiz. Aldaǵy úsh jylǵa arnalǵan respýblıkalyq bıýdjettiń jobasy memlekettiń barlyq áleýmettik mindettemelerin oryndaýǵa múmkindik beretindeı qalyptastyryldy. Ekinshiden, eldiń damý maqsattaryna jaýap beredi, úshinshiden, postpandemııalyq qalpyna kelýdiń ońaı emes ahýalyn eskeredi», - dedi Májilis tóraǵasy.

Budan buryn habarlanǵandaı, Parlament Májilisiniń jalpy otyrysynda «2022 – 2024 jyldarǵa arnalǵan respýblıkalyq bıýdjet týraly» zań jobasy maquldandy.

Ulttyq bank tóraǵasy Erbolat Dosaev elimizde ınflıatsııanyń ósýiniń negizgi sebepterin aıtty.

Májilistiń jalpy otyrysynda QR Ulttyq ekonomıka mınıstri Áset Erǵalıev 2022 jyly bıýdjet tapshylyǵy jalpy ishki ónimge qatysty 3,3% deńgeıinde boljanyp otyrǵanyn aıtty.

Mınıstr 2022 jyly taýarlar eksporty 60,1 mıllıard dollar deńgeıinde boljanyp otyrǵanyn jáne 2026 jylǵa deıin 79,8 mıllıard dollarǵa deıin ulǵaıatynyn jetkizdi.

Taýarlar ımporty 2022 jyly 40,8 mıllıard dollardan 2026 jyly 43,4 mıllıard dollarǵa deıin ulǵaıady.


Avtor Rýslan Ǵabbasov
Basty sózder: Ekonomıka, Bıýdjet, Parlament,
Joǵary qaraı