Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Úsh jylǵa arnalǵan respýblıkalyq bıýdjet Senatqa kelip tústi

2020 jyldyń 26 qazan 2020 13:50

NUR-SULTAN. QazAqparat - Senat Spıkeri Máýlen Áshimbaevtyń tóraǵalyǵymen ótken Palata Bıýrosynyń otyrysynda depýtattar aldaǵy jalpy otyrystyń kún tártibin talqylady jáne Májilisten kelip túsken zań jobalaryn komıtetterge bólip berdi, dep habarlaıdy QazAqparat.

Senattyń qaraýyna tórt zań jobasy kelip tústi. Olar: «Qazaqstan Respýblıkasynyń Ulttyq qorynan 2020-2022 jyldarǵa arnalǵan kepildendirilgen transfert týraly» Qazaqstan Respýblıkasynyń Zańyna ózgeris engizý týraly», «2020-2022 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly», «Qazaqstan Respýblıkasynyń Ulttyq qorynan 2021-2023 jyldarǵa arnalǵan kepildendirilgen transfert týraly» jáne «2021-2023 jyldarǵa arnalǵan respýblıkalyq bıýdjet týraly» zań jobalary. Otyrys barysynda bul zań jobalary jumys úshin Qarjy jáne bıýdjet komıtetine berildi.

Senattyń kezekti jalpy otyrysy 29 qazanda ótedi. Onda depýtattar «Qazaqstan Respýblıkasynyń Ulttyq qorynan 2020-2022 jyldarǵa arnalǵan kepildendirilgen transfert týraly» Qazaqstan Respýblıkasynyń Zańyna ózgeris engizý týraly» zań jobasyn qaraıdy. Sondaı-aq, Palata otyrysynda Májilis maquldaǵan «2020-2022 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy da qaralady.

Sonymen qatar Bıýroda senatorlar osy aptada ótkiziletin basqa da is-sharalarǵa toqtalyp ótti. Onyń ishinde Ýchaskelik polıtsııa ınspektorlarynyń mártebesin arttyrý jáne materıaldyq-tehnıkalyq qamtamasyz etilýin jaqsartý máselesi týraly, sondaı-aq, Qaraǵandy oblysynyń óńirlik azamattyq qorǵanys júıesi máseleleri týraly Komıtet otyrystaryna daıyndyq barysy pysyqtaldy.

Ótken aptada uıymdastyrylǵan aýyldyq aýmaqtardy damytý máselesine arnalǵan Parlamenttik tyńdaýdyń nátıjesi boıynsha usynymdar qabyldanǵan edi. Senat Tóraǵasy Máýlen Áshimbaev sol usynymdardy Úkimetke joldap, olardyń iske asyrylýyn nazarda ustaýdy tapsyrdy.


Basty sózder: Parlament, Senat,
Joǵary qaraı