Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ushaq bortynda shylym shekken ózbekstandyq áıelge aıyppul salyndy

2021 jyldyń 21 shilde 2021 11:43

NUR-SULTAN. QazAqparat – Kólik polıtseıleri ushaq bortynda shylym shekken 32 jastaǵy Ózbekstan azamatyna aıyppul saldy, dep habarlaıdy QazAqparat tilshisi.

Oqıǵa Air Astana áýe kompanııasyna tıesili ushaqta bolǵan. Kompanııa ókili Kóliktegi polıtsııa departamentine habarlasyp, «Tashkent-Almaty» baǵytyndaǵy áýe reısiniń jolaýshylary arasynda quqyq buzýshy bar ekenin málimdegen.

«Ushyp kelgen boıda Ózbekstan azamatshasy polıtseılerge tapsyryldy. Tekserý barysynda kólik polıtseıleri ushaq bortynda elektrondy temeki shegetin Ózbekstan Respýblıkasynyń 32 jastaǵy azamatyn anyqtady. Onyń ústinen Ákimshilik quqyq buzý týraly kodekstiń 41-babynyń 1,2-bóligi boıynsha ákimshilik hattama toltyryldy jáne 50 AEK mólsherinde aıyppul salyndy», - deıdi Kóliktegi polıtsııa departamenti bastyǵynyń birinshi orynbasary Qalıjan Qoblandın.

Sondaı-aq, ol 15 shildede «Bodrým-Almaty» jáne «Pavlodar-Almaty» áýe kemeleriniń bortynda da osyndaı jaǵdaılar tirkelgenin atap ótti.

«Ol kezde Almaty, Pavlodar qalalarynyń 19 jáne 36 jastaǵy turǵyndary elektrondy shylym shekkeni úshin 50 AEK mólsherinde aıyppul tólegen bolatyn», - dedi departament ókili.

Vedomstvonyń deregi boıynsha, jyl basynan beri kólik polıtseıleri túrli ákimshilik quqyq buzýshylyqtarǵa barǵany úshin 24 985 azamatty, tyıym salynǵan jerde shylym shekken 532 azamatty ákimshilik jaýapkershilikke tartqan.


Avtor Esimjan Naqtybaı
Basty sózder: Ózbekstan, Kólik, Qoǵam,
Joǵary qaraı