Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úsik, naızaǵaı, shańdy daýyl: 23 qyrkúıekke arnalǵan aýa raıy

2021 jyldyń 23 qyrkúıek 2021 01:23

NUR-SULTAN. QazAqparat - «Qazgıdromet» RMK mamandary 23 qyrkúıek kúni el aýmaǵynda aýa raıy qandaı bolatynyn jarııalady, dep habarlaıdy QazAqparat.

Qazaqstannyń batysynda, ońtústik-batysynda jáne soltústiginde, sondaı-aq ońtústik-shyǵysynyń taýly aýdandarynda fronttardyń yqpalymen aýa raıy qubylmaly bolady.

Sonyń áserinen jańbyr jaýady, eldiń ońtústik-batysy men ońtústik-shyǵysynyń taýly aýdandarynda naızaǵaı jarqyldaıdy.

Soltústiginde azdaǵan jaýyn-shashyn bolady.

Respýblıkanyń qalǵan aýmaǵynda jaýyn-shashynsyz aýa raıy kútiledi.

Batysynda, ońtústik-batysynda jáne ońtústik-shyǵystyń taýly aýdandarynda jel kúsheıip, batysynda jáne ońtústik-batysynda shańdy daýyl soǵady.

Respýblıkanyń soltústiginde, soltústik-batysynda jáne ońtústik-batysynda tuman túsedi.

Mańǵystaý oblysynyń batysynda jáne ortalyǵynda naızaǵaı oınaıdy.

Túnde jáne tańerteń jaǵalaýda tuman kútiledi, kúndiz oblystyń soltústik-shyǵysynda shańdy daýyl bolady, jel ekpini - 15-20 m/s.

Túnde Jambyl oblysynyń taýly aýdandarynda kún kúrkireıdi. Jel qarqyny 15-20 m/s deıin kúsheıedi.

Kúndiz Qyzylorda oblysynyń soltústik-batysynda jáne ortalyǵynda sekýndyna 15-20 metr jyldamdyqpen jel turady.

Kúndiz Atyraý oblysynyń ońtústik-shyǵysynda, ońtústiginde jáne ortalyǵynda shańdy daýyl soǵady.

Kúndiz óńirdiń basym bóliginde jeldiń kúshi 15-20 m/s jetedi.

Batys Qazaqstan oblysynyń ońtústiginde, ońtústik-batysynda, kúndiz Aqtóbe oblysynyń ońtústiginde jáne batysynda jel jyldamdyǵy 15-20 m/s bolady.

Pavlodar oblysynyń soltústiginde jáne batysynda, túnde jáne tańerteń Qostanaı oblysynyń soltústiginde, soltústik-batysynda, Soltústik Qazaqstan oblysynyń soltústik-batysynda, Aqmola oblysynyń ońtústik-shyǵysynda, Shyǵys Qazaqstan oblysynyń soltústik-shyǵysynda tuman túsedi.

Túnde Almaty, Jambyl oblystarynyń soltústiginde, taýly jáne taý bókterindegi aýdandarynda topyraq betinde 1-3 gradýs úsik júredi.

Túrkistan, Qyzylorda, Almaty oblystarynyń basym bóliginde, Aqtóbe, Qaraǵandy, Shyǵys Qazaqstan oblystarynyń ońtústiginde tótenshe órt qaýpi saqtalady.

Basty sózder: Qazgıdromet, Aýa raıy,
Joǵary qaraı