Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Úıinde pnevmonııadan emdelip jatqandar qandaı dári-dármekti tegin ala alady

2020 jyldyń 3 shilde 2020 13:21

NUR-SULTAN. QazAqparat – Pnevmonııa, JRVI jáne KVI-diń jeńil túri boıynsha úıinde emdelip jatqan qazaqstandyqtar dári-dármekti tegin ala alady. Bul jaıly QR bas memlekettik sanıtar dárigeri Aıjan Esmaǵambetova málim etti, dep habarlaıdy QazAqparat tilshisi.

«Qazirgi tańda MÁMS aıasynda tegin dári-dármek pen preparattardyń tizimi jasaldy. ıAǵnı JRVI men pnevmonııadan úıinde emdelip jatqandar osy dárini ala alady. Buǵan deıin emhana dárigerlerimen keńes ótkizgen edik. Sol jıynda atalǵan tizim aıasynda COVID-19 ınfektsııasyna uqsas jáne pnevmonııamen aýyrǵandardy tegin dárimen qamtı alatynymyz týraly sheshimge keldik», - dedi Aıjan Esmaǵambetova OKQ-daǵy baspasóz máslıhatynda tilshilerdiń suraǵyna jaýap bere otyryp.

Tegin dáriler tizimine antıbıotıkter men dene qyzýyn túsiretin dáriler kiredi.

«Ol dári-dármekti emhanalardyń janyndaǵy mobıldi toptar tegin jetkizip beredi», - degen Aıjan Esmaǵambetova ákimdikterge qosymsha dári-dármek alý mindeti júktelgenin aıtyp ótti.

Eske sala ketsek, budan burynǵy baspasóz máslıhatynda Densaýlyq saqtaý mınıstri Alekseı Tsoı Qazaqstanda koronavırýsty jeńil jáne sımptomsyz kóteretin adamdarǵa kóshpeli brıgadalar aqyly qyzmet kórsetetinin habarlaǵan bolatyn.

Al vıtse-mınıstr Ajar Gınııat osy mobıldi toptardyń jumys tártibin túsindirip berdi.


Joǵary qaraı