Úıinen galoshpen shyǵyp ketken: Jambyl oblysynda oqýshy joǵaldy
TARAZ. QazAqparat – Jambyl oblysynda 13 jastaǵy jasósipirim úıinen shyǵyp ketip, qaıtyp oralmaǵan, dep habarlaıdy QazAqparat tilshisi.
Jambyldyq polıtseıler 2007 jyly týǵan Tóleýhanov Arsen Qazbekulyna izdeý jarııalady.
Oblystyq Polıtsııa departamentiniń málimetinshe, bıylǵy 27 qarashada túngi saǵat 03.10-da Jambyl aýdandyq polıtsııa basqarmasyna aýdannyń 66 jastaǵy turǵyny aryzdanǵan. Ol 26 qarasha kúni saǵat 19.00-de kámeletke tolmaǵan nemeresi Jambyl aýdany, Kólqaınar bólimshesi, Shkolnaıa kóshesi, 4 mekenjaıynan belgisiz baǵytta shyǵyp, qaıtyp kelmegenin jetkizgen.
Jasóspirimniń belgileri: boıy 170-171 sm, ortasha deneli, aqshyl óńdi, shashy men kózi qara. Úıden ketken kezde ústinde qara kók kúrteshe, toqylǵan kók jempir, qalyń qara sporttyq shalbar jáne aıaǵynda qara galosh bolǵan.
«Joǵalǵan bala týraly qandaı da bir aqparatqa ıe bolǵandar bolsa, Jambyl aýdandyq polıtsııa basqarmasy kezekshi bóliminiń 8 (72633) 2-15-63, 2-13-39 nómiri nemese «102« telefony boıynsha dereý habarlasýlaryńyzdy suraımyz», -delingen polıtsııa habarlamasynda.
