Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vaktsına alǵan elorda stýdentteri arasynda 1,5 mln teńge oınatylady

2021 jyldyń 5 tamyz 2021 19:11

NUR-SULTAN. QazAqparat - Elordada vaktsınalanǵan jastar arasynda 1,5 mıllıon teńge oınatylady, dep habarlaıdy QazAqparat qala ákimdiginiń resmı saıtyna silteme jasap.

«Astana jastary» jastar resýrstyq ortalyǵy qalalyq jastar saıasaty máseleleri basqarmasynyń qoldaýymen Halyqaralyq jastar kúni qarsańynda «Stop COVID-19» úzdik beıne-challenge baıqaýyn uıymdastyrady.

Baıqaý stýdent jastar arasynda vaktsınalaý arqyly COVID-19 taralýyna qarsy kúres, sondaı-aq stýdentter arasynda shyǵarmashylyq klasterdi qoldaý maqsatynda ótkizilýde. Saıys jeńimpazy elordalyq máslıhat depýtaty Azamat Manasulynyń basshylyǵymen jumys isteıtin «Іdiris Orynbasar atyndaǵy qaıyrymdylyq qorynan» 1 mıllıon teńge alady. 2-orynǵa – 300 myń teńge, 3-orynǵa – 200 myń teńge. Sondaı-aq, baıqaýǵa qatysýshylar úshin «Arena fitness», «Winox» fıtnes-zaldarynyń tanymal jelilerinen jáne «Hlebnyı kraı» kompanııasynan yntalandyrý syılyqtary qarastyrylǵan.

Baıqaý osy jyldyń 5 tamyzy men 5 qazany aralyǵynda ótedi. Oǵan elordanyń orta arnaýly (kolledjder) jáne joǵary oqý oryndarynyń kámeletke tolǵan stýdentteri qatysa alady.

«Baıqaý erejesiniń sharttarymen kelesi Instagram-paraqshalarda tanysýǵa bolady: @astana_jastary jáne @ns_jastary nemese WhatsApp +77471909693 nómiri boıynsha habarlasýǵa bolady», - dep habarlady Nur-Sultan qalasynyń Jastar saıasaty máseleleri basqarmasynyń basshysy Qaırat Qambarov.


Joǵary qaraı