Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vaktsına alǵandardyń tek 0,02 paıyzy ǵana qaıta aýyryp qaldy – Alekseı Tsoı

2021 jyldyń 5 mamyr 2021 18:05

NUR-SULTAN. QazAqparat – Qazaqstanda koronavırýs vaktsınasyn alǵan azamattardyń 0,02 paıyzy ǵana vırýsta qaıta juqtyryp aldy. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Jalpy alǵanda, vaktsınatsııa protsesiniń qazirgi ýaqytta óte belsendi júrip jatqanyn kórip otyrmyz. Búginde azamattarymyz vaktsınaǵa úlken senim arta bastady. Vaktsına alǵan azamattardyń ishinde tek shamamen 0,02 paıyzy ǵana aýyryp qaldy», - dedi mınıstr Ortalyq kommýnıkatsııalar qyzmetinde ótken baspasóz máslıhaty barysynda.

Onyń paıymynsha, mundaı kórsetkish vaktsınanyń tıimdi ekendigin kórsetedi.

«Ol aıqyn kórinip tur. Árıne, vaktsınatsııalaýdyń munan arǵy qarqyny densaýlyq saqtaý júıesiniń úılesimdi jumysyna, sonymen qatar azamattardyń túsinigine, jaqyndary úshin durys tańdaý jasaýyna jáne ujymdyq ımmýnıtettiń damýyna baılanysty ekendigin atap ótkim keledi», - dedi Densaýlyq saqtaý mınıstri.


Joǵary qaraı