Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Vaktsına alǵanyna 6 aı ótken azamattar revaktsınalanýy qajet – Eraly Toǵjanov

2022 jyldyń 18 qańtar 2022 18:19

NUR-SULTAN. QazAqparat – QR Premer-Mınıstriniń orynbasary Eraly Toǵjanov halyqty vaktsına men revaktsına jasatýǵa shaqyrdy, dep habarlaıdy QazAqparat tilshisi.

«Pandemııa kezeńindegi qaıǵyly oqıǵalardy qaıtalaǵymyz kelmese, sanıtarlyq qyzmetterdiń nusqaýlaryn qatań saqtaý qajet. Sondyqtan, árbir qazaqstandyqqa óz densaýlyǵyna, jaqyndarynyń, týystarynyń densaýlyǵyna qamqorlyq kórsetýge jáne qysqa merzimde vaktsınalaý men revaktsınalaýdan ótýge keńes beremiz. Epıdemıologııalyq jaǵdaıdyń odan ári qalaı ózgeretindigi tek ózimizge baılanysty. Qazirgi «omıkron» shtamy tez taralýymen qoımaı, jas talǵamaıtyndyǵymen qaýipti», - dedi E. Toǵjanov Ortalyq kommýnıkatsııalar qyzmetinde.

Onyń aıtýynsha, qalyptasqan ımmýnıtetti saqtap qalýdyń birden-bir joly – rekvaktsınalaý.

«Aldyn ala emdelgenniń esesi ketpes» deıdi halqymyz. Sondyqtan vaktsına alyp úlgermegen árbir qazaqstandyq tez arada vaktsına qabyldaýy kerek. Vaktsına alǵanyna 6 aı ótken azamattar – revaktsınalanýy qajet! Eń bastysy, Qazaqstanda qoldanylatyn barlyq vaktsınalar tıimdi ári qaýipsiz. Ony ýaqyttyń ózi dáleldedi», - dedi E. Toǵjanov.

Buǵan deıin Eraly Toǵjanov koronavırýs zardabynan 18 myń adam qaıtys bolǵanyn aıtyp, sanıtarlyq normalardy elemeıtin turǵyndardyń áreketin synǵa alǵan edi.



Joǵary qaraı