Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vaktsına almaǵan balalar mektepke kirýden shektele me – mınıstrlik jaýaby

2021 jyldyń 6 qazan 2021 17:46

NUR-SULTAN. QazAqparat – QR Densaýlyq saqtaý birinshi vıtse-mınıstri Marat Shoranov balalardy vaktsınaǵa mindetteýdiń yqtımaldyǵy týraly pikir bildirdi, dep habarlaıdy QazAqparat tilshisi.

Elge Rfizer vaktsınasy kelse, ekpe almaǵan balalar mektepke kirýden shektele me? Ortalyq kommýnkatsııalar qyzmetinde ótken brıfıngide BAQ ókilderi Densaýlyq saqtaý mınıstrliginiń basshylaryna osyndaı saýal qoıdy.

«Jalpy qazirgi tańda koronavırýsqa qarsy ekpeni 18 jastan bastap jasap jatyrmyz. Rfizer vaktsınasy kelgennen keıin 12 jastan bastap paıdalanýǵa bolady. Qazirgi kezde vaktsına almaǵan balalardy shekteý kózdelip otyrǵan joq. Ol ár balanyń ata-anasynyń kelisimi boıynsha, erikti túrde ǵana salynady. Sondyqtan biz óz tarabymyzdan túsindirý jumystaryn halyqqa jetkizemiz», - degen vıtse-mınıstri Marat Shoranov jaqynda Rfizer vaktsınasynyń 4 mıllonnan astam dozasy elge jetkiziletinin atady.

«Bul másele bizde óte erekshe dep esepteımiz. Nege deseńiz, biz balalardyń bilim alýyn oflaın rejımge kóshirdik. Sanıtarlyq rejım, maska rejımi deımiz, sonyń arqasynda qazir balalardyń arasynda naýqastaný kórsetkishi úlken emes – 0,6 paıyz bolyp otyr. Sondyqtan da vaktsına kelgenimen balalarymyz mektepke qoryqpaı bara alady dep senemiz», - dedi Marat Shoranov.


Joǵary qaraı