Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vaktsınatsııa qarqynyn baıaýlatyp alǵan Shý qalasynyń ákimi qyzmetinen bosatylady

2021 jyldyń 1 qyrkúıek 2021 01:14

TARAZ. QazAqparat – Jambyo oblysy ákimdiginde ótken apparattyq keńeste koronavırýstyń aldyn alý máselesi qaraldy, dep habarlaıdy QazAqparat tilshisi.

Jıynda vaktsınatsııa sharalary jáne epıdemıologııalyq jaǵdaı boıynsha oblys ákimdigi densaýlyq saqtaý basqarmasynyń basshysy Áset Qalıevtiń esebi tyńdaldy.

Onyń málimetinshe, búginde Taraz qalasy, Talas, Shý, Qordaı, Jambyl, Jýaly, Merke, Sarysý, T.Rysqulov, Moıynqum aýdandary áli de qyzyl aımaqta.

Baızaq aýdany ǵana sary aımaqqa ótken. 31 tamyzǵa deıin óńirde jalpy COVID-19 indetin 17 934 adam juqtyrǵan. Al pnevmonııanyń 6 865 jaǵdaıy tirkelgen.

Sońǵy táýlikte KVI-men 35 azamat aýyrsa, pnevmonııamen 11 naýqas aýrýhanaǵa túsipti. Jalpy, 15 024 adam saýyǵyp shyqqan.

«Bıylǵy 16-23 tamyz ben 24-31 tamyz aralyǵyndaǵy dınamıkaǵa kóz júgirtsek, KVI belgileri bar naýqastar sany azaıǵanyn kóremiz. Qazirgi tańda oblystaǵy aýrýhanalarda 3 634 ınfektsııalyq, 416 reanımatsııalyq tósek qory, oǵan qosa 170 orynǵa arnalǵan karantındik statsıonarlar jumys istep jatyr. Epıdemıologııalyq jaǵdaıǵa baılanysty qosymsha rezerv retinde 1 126 ınfektsııalyq, 85 reanımatsııalyq tósek qory ashylyp, jumyldyrylatyn bolady. Qazir ınfektsııalyq statsıonarlarda – 1 780, jansaqtaý bóliminde 161 naýqas em qabyldap jatyr. Karantındik statsıonarlarǵa 43 adam ornalastyrylǵan. Olardyń densaýlyq jaǵdaıy turaqty baqylaýda», - dedi basqarma basshysy.

Áset Qalıev aımaqtaǵy 18 jastan joǵary 582 000 adamnyń ekpe alýy qajettigin jetkizip, búginde 377 068 azamat vaktsına qabyldaǵanyn málimdedi.

Jalpy, oblys boıynsha 23 medıtsınalyq uıymda 43 egý pýnkti bar. Olardyń 15-i qalada, 28-i aýdandarda ornalasqan.

Aǵymdaǵy jyldyń aqpanynan beri oblysqa 16 990 doza QazCovid-in, 341 700 doza Spýtnık V vaktsınasynyń birinshi komponenti jáne 258 060 doza ekinshi komponenti, 60 000 doza «Haıat Vaks», 34 000 doza «KoronaVak» ekpesi keldi.

Jıyn barysynda aımaq basshysy Berdibek Saparbaev Shý, Qordaı aýdandary men Taraz qalasynyń ákimderine taǵy da eskertý jasap, vaktsınatsııa baǵytyndaǵy sharýalardy jedeldetýdi mindettedi.

«Іndet órship tur. Al ekpe indettiń aldyn alady. Endeshe nege bul máselege salǵyrt qaraısyńdar?! Ekpemen qamtý – memlekettiń tapsyrmasy, turǵyndardyń densaýlyǵynyń kepili. Vaktsınatsııa kórsetkishi tómen Shý qalasy ákimin ornynan alýdy tapsyramyn. Eger sharýany shıratpasa, aýyl ákimderine de osyndaı shara qoldanýǵa májbúr bolamyz», - dedi oblys ákimi.


Joǵary qaraı