Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vaktsınany shyǵarǵan eline qarap tańdaý durys pa

2021 jyldyń 4 maýsym 2021 12:03

NUR-SULTAN. QazAqparat – Densaýlyq saqtaý mınıstrligi ótkizgen onlaın dáriste belgili allergolog-ımmýnolog Rafaıl Rozenson vaktsına tańdaýda neni basshylyqqa alý kerektigin túsindirdi, dep habarlaıdy QazAqparat.

«Vaktsına tańdaǵan kezde ózińiz neni qalaıtynyńyzdy oılap, ólshemder belgilep alyńyz. Eń birinshi ne qajet? Barynsha tıimdi bolǵany kerek pe? Uzaq ýaqyt jaramdy bolǵany mańyzdy ma? Qaýipsizdik dárejesi qandaı? Eger birinshi orynǵa qaýipsizdikti qoısańyz, jansyzdandyrylǵan, ınaktıvti vaktsınany tańdańyz. Bul – bizdiń jaǵdaıda QazVac nemese Sinovak. Eger birinshi orynda siz úshin senimdilik pen uzaq ýaqyt jaramdylyq tursa, reseılik «Spýtnık V»-di tańdańyz. Al eger basqa da ólshemler mańyzdy bolsa, maqtanyp qalǵyńyz kelý múmkin, Amerıkaǵa baryp, Pfizer nemese Moderna vaktsınasyn salǵyzýdyń amalyn tabyńyz», - dedi dáriger.

Sarapshy qazir qoldanystaǵyvaktsınanyń eshbirin 100 paıyz ıdealdy dep baǵalaýǵa bolmaıtynyn eskertti.

«Ár adam vaktsına tańdar kezde ózińizge tizbelep shyqsańyz da ıdealdy vaktsına tabylmaıdy. Úıińizge Pfizer-di tegin ákep berýdiń múmkindigi joq. Ony -80 gradýs temperatýrada ustaý kerek. Ondaı múmkindikgi bar tasymaldaýshy joq bizdiń elde. Qolda bar vaktsınanyń ishinen tańdańyz. Qazir keıbir elderde «Spýtnık V»-diń ózi tapshy bolyp jatyr. Segiz aı buryn koronavırýstyń qursaýynan shyǵatyn jalǵyz jol vaktsına ekenin aıtqanymda meni jeli qoldanýshylar jep qoıa jazdaǵan. Al qazir jaǵdaı ózrgergen. Meni sol qýantady», - deıdi dáriger.


Joǵary qaraı