Aýa raıy
Astana -26 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Vasılıı Lomachenko amerıkalyq boksshydan jeńilip qaldy

2020 jyldyń 18 qazan 2020 11:42

NUR-SULTAN. QazAqparat – Las-Vegasta (Nevada shtaty, AQSh) ýkraınalyq boksshy Vasılıı Lomachenko (14-1, 10 KO) men amerıkalyq Teofımo Lopes (15-0, 12 KO) jeńil salmaqtaǵy álemniń absolıýtti chempıony ataǵy úshin aıqasty, dep habarlaıdy QazAqparat Sports.kz portalyna silteme jasap.

Lomachenko óziniń WBA Super, WBC Franchise jáne WBO nusqalary boıynsha chempıondyq belbeýlerin báske tikti. Lopes IBF tıtýlyn sarapqa saldy.

On eki raýndqa josparlanǵan jekpe-jekte eki boksshy tolyq judyryqtasyp shyqty.

Aıqasta tóreshilerdiń biraýyzdy sheshimimen (116-112, 119-109, 117-111) Lopes jeńiske jetti.

Osylaısha, amerıkalyq boksshy kásipqoı bokstaǵy 16-shy jeńisin toılasa, Lomachenko ekinshi ret qarsylasyna ese jiberdi.

Búgingi jekpe-jektegi jeńisi arqyly Lopes jeńil salmaqtaǵy barlyq tıtýldy jınap, álemniń absolıýtti chempıony atandy.



Basty sózder: Ýkraına, Boks, Sport,
Joǵary qaraı