Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Vedomstvoaralyq komıssııa Prezıdent tapsyrmalaryn erekshe baqylaýǵa aldy

2020 jyldyń 29 shilde 2020 21:49

NUR-SULTAN. QazAqparat - Búgin QR Premer-Mınıstriniń orynbasary Eraly Toǵjanovtyń tóraǵalyǵymen ótken Koronavırýstyń taralýyna jol bermeý jónindegi vedomstvoaralyq komıssııanyń otyrysy ótti, dep habarlaıdy QR Úkimetiniń resmı saıty.

Basqosýda Memleket basshysynyń karantın sharalaryn eki aptaǵa uzartý jónindegi tapsyrmasy, óńirlerdegi epıdemıologııalyq jaǵdaı, sondaı-aq karantın rejımin buzý faktileri jan-jaqty qaraldy.

Karantın rejıminiń uzartylýyna baılanysty óńirler ákimdikterine bıznes sýbektilerimen karantın sharalary aıaqtalǵannan keıin olardyń qyzmetin qalpyna keltirý boıynsha aldyn ala jumys júrgizý tapsyryldy.

Densaýlyq saqtaý mınıstrligine aǵymdaǵy jyldyń 5 tamyzyna deıin engiziletin nysandar boıynsha sanıtarlyq talaptardy bekitý jáne jarııalaý tapsyryldy.

Qabyldanǵan sharalardyń tıimdiligin arttyrý maqsatynda Vedomstvoaralyq komıssııa memlekettik organdar men laýazymdy tulǵalardyń jergilikti jerlerde sanıtarlyq talaptardy saqtaý úshin jaýapkershilik aımaǵyn bekitti.

Bıznes sýbektilerin qaıta jańǵyrtý boıynsha zertteý aktilerin óńirler, qalalar, aýdandar ákimdikteriniń basshylary, aýmaqtyq sanıtarlyq qyzmetter, jurtshylyq ókilderi jáne «Atameken» UKP jeke qabyldaıtyn bolady.

Sonymen qatar, pnevmonııadan ólim-jitimniń eń joǵary deńgeıi tirkelgen Pavlodar oblysy ákimdiginiń, sondaı-aq COVID-19-ben aýyrýdyń ósýine baılanysty Shyǵys Qazaqstan oblysy ákimdiginiń qyzmeti tyńdaldy.

Іshki ister mınıstrligi elimizde 11 myń reıdti júrgizý nátıjesi týraly baıandady, onyń qorytyndysy boıynsha 4 600 sanıtarlyq tártip buzýshylyq anyqtaldy. Vıtse-premer Qostanaı, Batys Qazaqstan jáne Aqtóbe oblystarynyń ákimdikterine osy baǵyttaǵy jumysty kúsheıtýdi tapsyrdy.

Keńes qorytyndysy boıynsha E.Toǵjanov birqatar naqty tapsyrmalar berdi.


Joǵary qaraı