Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Veterınarııa komıtetinde uıymdasqan qylmystyq top shekaradan zańsyz mal ótkizip kelgen

2021 jyldyń 7 qyrkúıek 2021 17:40

NUR-SULTAN. QazAqparat – QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń laýazymdy tulǵalary kásipkerlerden maldy shekaradan kedergisiz shyǵarǵany úshin para alýdyń sybaılas jemqorlyq shemasyn uıymdastyrǵan. Bul týraly QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.

Vedomstvonyń málimeti boıynsha, 2021 jyldyń maýsym aıynan bastap agenttik ókilderi Prezıdenttiń tapsyrmasy boıynsha agroónerkásiptik kesheninde sýbsıdııalaý salasyna aýqymdy taldaý júrgizip jatyr.

Sol arqyly sýbsıdııa berýdiń ashyq, ádil júıesin qamtamasyz etý, sybaılas jemqorlyq pen bıýrokratııa deńgeıin tómendetý, bıznes júrgizýge kedergi keltiretin ákimshilik kedergilerdi joıý kózdelip otyr.

«Taldaý aıasynda Veterınarlyq baqylaý jáne qadaǵalaý komıteti men onyń aýmaqtyq ınspektsııalarynyń laýazymdy tulǵalarynyń áreketinen uıymdasqan qylmystyq toptyń belgileri anyqtaldy. Atalǵan top kásipkerlerden maldy shekaradan kedergisiz shyǵarǵany úshin júıeli túrde para alýǵa múmkindik beretin sybaılas jemqorlyq shemasyn uıymdastyrǵan. Bul rette memleket sýbsıdııalaǵan asyl tuqymdy maldy áketý, janýarlardy epızootııalyq baqylaýsyz tasymaldaý faktileri anyqtaldy. Saldarynan epıdemıologııalyq jaǵdaıǵa teris áser kelýi múmkin», - dep jazady agenttiktiń baspasóz qyzmeti.

Antıkordyń málimetinshe, qylmystyq toptyń ár múshesi óz «mindetin» múltiksiz oryndap otyrǵan.

«Qoldanystaǵy erejeler boıynsha eksportqa nemese ımportqa ruqsatty beıindi komıtettiń basshysy ǵana bere alady. Jemqorlyq shemasy boıynsha komıtettiń eki bas sarapshysy osy quzyretke zańsyz ıe bolǵan. Qylmystyq shemaǵa Túrkistan, Jambyl, Aqtóbe jáne Qostanaı oblystary, Almaty jáne Shymkent qalalary boıynsha óńirlik ınspektsııalardyń ınspektorlary da tartylǵan. Árbir ruqsat úshin top qatysýshylarynyń nemese olardyń týystarynyń jeke kartalaryna 10-nan 50 myń teńgege deıin aqsha aýdarylyp otyrǵan. Máselen, tek Túrkistan oblysy boıynsha komıtettiń aýmaqtyq ınspektsııasyndaǵy bas mamannyń shotyna 2020 jyldan bastap 45 mln teńgeden astam qarjy túsken. Komıtet bas sarapshysynyń áıeliniń kartasyna 13,5 mln teńgeden astam qarajat túsken», - delingen agentttiktiń baspasóz qyzmeti taratqan aqparatta.

25 tamyzda bastalǵan arnaıy operatsııanyń qorytyndysy boıynsha 10-nan astam laýazymdy tulǵaǵa aıyp taǵylyp otyr.

«Olardyń kóbi kinásin moıyndady. Úsh aıyptalýshyǵa, onyń ishinde komıtettiń ortalyq apparat qyzmetkerleri qamaýǵa alynǵan. Tergeý jalǵasýda», - delingen resmı málimette.


Joǵary qaraı