Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Veterınarııa» mamandyǵyn bitirgenderdiń  qansha paıyzy jumysqa ornalasty

2021 jyldyń 3 jeltoqsan 2021 13:09

NUR-SULTAN. QazAqparat – Memlekettik úsh agrarlyq joǵary oqý oryndaryn bıyl «veterınarııa» mamandyǵy boıynsha oqyp shyqqandardyń 35 paıyzy ǵana jumysqa ornalasty. Bul týraly Senattaǵy parlamenttik tyńdaýda depýtat Muhtar Jumaǵazıev aıtty, dep habarlaıdy QazAqparat tilshisi.

«Joǵaryda atalǵan ózekti máseleler negizinen qadr saıasatyna baılanysty. Búgingi kúni Aýyl sharýashylyǵy mınıstrliginiń aqparaty boıynsha tek qana veterınarııalyq baqylaý jáne qadaǵalaý komıtetiniń aýmaqtyq ınspektsııalarynda vakanttyq oryndarynyń sany - 309. Al aýyl sharýashylyq taýar óndirýshileri boıynsha mınıstrlikte aqparat múldem joq deýge bolady. Mysalǵa, memlekettik úsh agrarlyq joǵary oqý oryndaryn bıyl «veterınarııa» mamandyǵy boıynsha 771 adam oqyp shyqqan. Olardyń ishinde jumysqa ornalasqany 267 nemese 35 % quraıdy, al qalǵandary jumyssyz nemese basqa jumysqa ornalasqan», - dedi M. Jumaǵazıev «Aýyl sharýashylyǵyn damytýdyń ózekti máseleleri men perspektıvalary» taqyrybyna arnalǵan parlamenttik tyńdaýda.

Osy oraıda ol agoroónerkásiptik keshen salasyndaǵy bilikti kadrlardyń tapshylyǵy ózekti bolyp otyrǵanyn atap ótti.

«Demek, elimizde senimdi veterınarııalyq, bıologııalyq qaýipsizdik qamtamasyz etiledi dep aıta almaımyz», - dedi senator.

Budan buryn habarlanǵandaı, Muhtar Jumaǵazıev jeke kóterme-taratý ortalyqtary óz jumysy barysynda birqatar qıynshylyqtarǵa tap bolǵanyn aıtty.



Joǵary qaraı