Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Veterınarııa júıesi túbegeıli reformalanatyn bolady - Erbol Qarashókeev

2021 jyldyń 2 qyrkúıek 2021 10:14

NUR-SULTAN. QazAqparat – Veterınar mamandardyń jalaqysyn kóterý máselesin sheshý josparlanyp otyr. Bul týraly Úkimet otyrysynda Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha veterınarııa júıesi túbegeıli reformalanatyn bolady. Birinshiden, memlekettik monopolııa fýnktsııalarynyń bir bóligin básekeli ortaǵa berý josparlanyp otyr, bul osy salaǵa jeke kapıtaldyń kelýin qamtamasyz etedi. Ekinshiden, veterınarııalyq qyzmet jumysy tsıfrlyq formatqa kóshiriledi, sol arqyly bir jaǵynan epızootııalyq ahýaldyń qadaǵalanýy men mal sharýashylyǵy ónimderiniń qaýipsizdigi qamtamasyz etiledi. Al ekinshi jaǵynan, tsıfrlandyrý veterınar mamandardy qaǵazbastylyqtan bosatyp, negizgi fýnktsııalaryn oryndaýlaryna múmkindik beredi», - dedi E. Qarashókeev.

Onyń aıtýynsha, ortalyq jáne jergilikti atqarýshy organdardyń veterınarııalyq qyzmetteri arasynda ókilettikter naqty bólinetin bolady. Sonymen qatar, veterınar mamandardyń jalaqysyn kóterý máselesin sheshý josparlanyp otyr. Bul bastamalardy iske asyrý úshin veterınarııa salasyndaǵy zańnamaǵa ózgerister men tolyqtyrýlar ázirlenedi.

Eske salsaq, Prezıdent keshegi Joldaýynda jyl sońyna deıin veterınarııa júıesin reformalaýǵa qatysty naqty sharalar qabyldanatyndyǵy týraly aıtty. Joldaýdyń tolyq mátini myna jerde.



Joǵary qaraı