Aýa raıy
Astana 18 °S
Almaty 19 °S
valıýta baǵamy
USD 411.66
EUR 465.92
RUB 5.81
CNY 58.79

Vıtse-mınıstr Eldos Ramazanov Kókshetaýdyń sport nysandarynyń jaǵdaıymen tanysty

2019 jyldyń 9 qarasha 2019 23:18

KÓKShETAÝ. QazAqparat – Memleket basshysy Joldaýyndaǵy mindetterdi túsindirý maqsatynda Aqmola oblysyna jumys saparymen kelgen úkimettik jumys toby múshesi QR Mádenıet jáne sport mınıstriniń orynbasary Eldos Ramazanov Kókshetaý qalasyndaǵy sport nysandarynyń jaǵdaıymen tanysty, dep habarlaıdy QazAqparat tilshisi.

«Oqjetpes» stadıonynda bolǵan vıtse-mınıstr sport nysanynyń kúrdeli jóndeý jumystary júrgizilgen jeńil atletterge arnalǵan manejdi aralap kórdi. Bir kezderi jekeniń qolyna ótip ketken nysan uzaq ýaqyt jóndeý kórmeı júdep turǵan edi. Ótken jyly 147 mıllıon teńge qarjy bólinip, nysan memleket menshigine qaıtaryldy. Bıyl 236 mıllıon teńge qarjy bólinip, nysanda kúrdeli jóndeý jumystary júrgizildi. Qazirgi zamanǵa saı manejde sport jarystaryn ótkizýge, atletterdiń jattyǵýyna qajetti jaǵdaılardyń bári jasalǵan.




Sonymen birge, Eldos Ramazanov oblystyq №7 mamandandyrylǵan olımpıadalyq rezerv mektebine, tennıs ortalyǵyna baryp, odan ári «Oqjetpes» balalar jáne jasóspirimder fýtbol mektebiniń sport zalynda boldy.

Vıtse-mınıstr osy oraıda, balalardyń sportpen aınalysýyna qajetti jaǵdaı jasalyp otyrǵandyǵyna toqtala kele, jalpy, oblys boıynsha sport keshenderin jabdyqtap, damytý turǵysynda oń ózgerister bar ekendigin atap ótti.

«Elimizdiń erteńgi tizgin ustary qazir mektep qabyrǵasynda bilim alyp jatqan jas urpaq desek, olardyń denderi saý, shynyqqan, shymyr bolyp ósýine jaǵdaı jasaý kerek. Ol úshin sport nysandarynyń jastar úshin qoljetimdiligin arttyrǵan mańyzdy», - dedi vıtse-mınıstr.







Joǵary qaraı