Aýa raıy
Astana 0 °S
Almaty 18 °S
valıýta baǵamy
USD 389.59
EUR 429.06
RUB 6.05
CNY 55.07

Vıtse-mınıstr: Jylý berý kezeńine daıyndyq kestege saı júrgizilýde

2019 jyldyń 19 qyrkúıek 2019 11:10

NUR-SULTAN. QazAqparat – Kúzgi-qysqy jylyý berý kezeńine kásiporyndardyń daıyndyǵy bekitilgen jóndeý kestesine sáıkes júrgizilip jatyr. Bul týraly búgin Úkimet úıinde ótken baspasóz máslıhatynda QR Energetıka vıtse-mınıstri Suńǵat Esimhanov aıtty, dep habarlaıdy QazAqparat tilshisi.

Vıtse-mınıstrdiń dereginshe, kúzgi-qysqy kezeńde el tutynýshylaryn turaqty energııamen jabdyqtaý úshin Qazaqstannyń biryńǵaı energetıkalyq júıesi elektr stantsııalarynyń negizgi jabdyqtaryn jóndeýdi 2019 jylǵa arnalyp bekitilgen kestege sáıkes júrgizip jatyr. Qazirgi ýaqytta 11 energobloktyń 5-eýi, 63 qazandyqtyń 40-y jóndelgen. Ár túrli kezeńde 4 energoblokta, 28 qazandyqta, 18 týrbınada jóndeý jumystary júrgizilip jatyr.

«Elektr jelileri boıynsha tıisti jóndeý jumystary júrgizilý ústinde. Búgingi kúni 84 paıyzy aıaqtaldy. Qalǵany keste boıynsha jalǵasyp jatyr. Qosalqy stansalarynyń sany 1 myńnan asady. Onyń 1152-sinde jóndeý jumystary aıaqtaldy. Bul 94 paıyzdy quraıdy. Jóndeý jumystary merziminde aıaqtalatyndyǵyna kúmánimiz joq, baqylap otyrmyz», - dedi ol.

Sonymen qatar, onyń aıtýynsha, ortalyqtandyrylǵan jylýmen qamtamasyz etý aımaǵyndaǵy 459 qazandyqtyń 428-i jóndeldi. Jóndeý jumystaryn oryndaý keste boıynsha júzege asyrylyp jatyr. Elektr stansalarynyń otyn qoımalarynda jalpy 4 mln tonna kómir jáne 101,9 myń tonna mazýt bar. Bul normatıvtik qorǵa saı keledi. Energııa óndiretin kásiporyndardyń otyndy satyp alýy jasalǵan sharttarǵa sáıkes júrgiziledi. Otyndy jetkizý keste boıynsha júzege asyryp jatyr.


Joǵary qaraı