Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Vıtse-premer Eraly Toǵjanov koronavırýstan jazylyp, qyzmetine kiristi

2020 jyldyń 1 shilde 2020 13:25

NUR-SULTAN. QazAqparat – QR Premer-Mınıstriniń orynbasary Eraly Toǵjanov koronavırýstan jazylyp, qyzmetine qaıta kiristi, dep habarlaıdy QazAqparat.

Bul týraly Úkimettiń baspasóz qyzmeti habarlady.

«Eraly Luqpanuly 10 kún emdelgen soń test tapsyrdy jáne test teris nátıje kórsetti. Ol qyzmetine qaıta kiristi», - dep habarlady Úkimet.

Buǵan deıin Eraly Toǵjanovtyń sımptomsyz koronavırýspen aýyryp qalǵany habarlanǵan edi.

«Qurmetti qazaqstandyqtar! Men de oqshaýlanýǵa májbúr bolyp otyrmyn. Infektsııadan saqtanýǵa qansha tyrysqanymmen bolmady. Koronavırýs ınfektsııasynyń sıpmtomsyz túrin anyqtady. Tezirek jazylyp, qyzmetke oralý úshin dárigerler aıtqan barlyq nusqamany oryndaýǵa tyrysamyn. Turǵyndardan da qaýipsizdik sharalaryn qatań ustanýdy, maska taǵyp, antıseptık qoldanýdy, qoldy jýyp, gıgıena talaptaryn saqtaýdy ótinip suraımyn. Barlyǵymz aman-saý bolaıyq», - dep jazdy Eraly Toǵjanov.


Joǵary qaraı