Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Vıtse-premer Qazaqstanda dári tapshylyǵyna ne sebep bolǵanyn aıtty

2020 jyldyń 5 shilde 2020 21:10

NUR-SULTAN. QazAqparat - Dári-dármek baǵasyn kótergender jaýapkershilikke tartylady. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Búginde halyqty tolǵandyrǵan mańyzdy másele - dárihanalardy dár-dármekpen qamtamasyz etý. Qazirgi ýaqytta birqatar sebepke baılanysty dárihanalarda dári tapshylyǵy shynymen baıqalyp otyr. Birinshiden, adamdar dári-dármekti jappaı satyp alýynan halyq tarapynan suranys joǵary bolyp tur. Keı azamattarymyz ondap, tipti odan da kóp orama paratsetamol men ózge de dárilerdi birden satyp alady», - dedi Eraly Toǵjanov Ortalyq kommýnıkatsııalar qyzmetindegi brıfıng barysynda.

Máselen, Úkimet basshysy orynbasarynyń dereginshe, Almaty qalasynda mamyr aıynda 1 aıdyń ishinde 50 myń ǵana paratsetamol oramasy satylsa, qazirgi ýaqytta 1 táýliktiń ishinde ǵana 100 myń paratsetamol ormasy satylyp ketken.

Dál osyndaı jaǵdaı dene qyzýyn ólsheıtin aspapqa da qatysty bolyp otyr. Aıtalyq, Almatyda 1 jyldyń ishinde 100 myń qyzý ólshegish satylatyn bolsa, qazirgi ýaqytta dál osyndaı kólem bir aptanyń ishinde ǵana satylyp ketken.

«Ekinshiden, alaqol básekelestik bar. ıAǵnı, alypsatarlar dári-dármekti kóterme satyp alǵan. Osyǵan baılanysty quziretti quqyq qorǵaý organdaryna dári-dármek preparattarynyń shekti baǵasynyń ósýine jol bermeý jóninde tapsyrma berildi. Anyqtalǵan barlyq faktiler boıynsha zańnamamen bekitilgen tártippen jaýapkershilike tartý sharalary qabyldanady», - dedi ol.


Avtor Marlan Jıembaı
Basty sózder: QR Úkimeti, Medıtsına, Oqıǵa,
Joǵary qaraı