Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vıtse-premer Roman Sklıar jumys saparymen Seýlde júr

2021 jyldyń 22 qazan 2021 18:45

SEÝL. QazAqparat - 21 qazanda QR Premer-Mınıstriniń orynbasary Roman Sklıar bastaǵan qazaqstandyq delegatsııa koreıalyq iri kompanııalardyń basshylarymen kelissóz júrgizý úshin jumys saparymen Seýlge bardy. Bul sapar QR Prezıdenti Qasym-Jomart Toqaevtyń bıylǵy tamyzda Koreıa Respýblıkasyna memlekettik sapary barysynda qol jetkizilgen ýaǵdalastyqtardy iske asyrý aıasynda boldy, dep habarlaıdy primeminister.kz.

Koreıa Respýblıkasynyń saýda, ındýstrııa jáne energetıka mınıstri Sýng Výk Mýnmen, Samsung Electronics, KIA Motors, Youngsan, LS Mtron, Doosan Heavy Industries & Construction, Simpac, Celltrion jáne Seegene Medical Foundation kompanııalarynyń basshylarymen kelissóz júrgizildi.




Naqty jobalar elektrondy jáne taý-ken ónerkásibi, energetıka, medıtsına, avtomobıl óndirisi, medıtsınalyq buıymdar men dári-dármekter salalarynda talqylandy.

Sonymen qatar sapar barysynda Koreıa halyqaralyq saýda qaýymdastyǵynyń atqarýshy vıtse-tóraǵasymen, Koreıanyń geologııalyq zertteýler men mıneraldy resýrstar ınstıtýtynyń prezıdentimen jáne Koreıa densaýlyq saqtaý salasyn damytý ınstıtýtynyń prezıdentimen ekijaqty kezdesýler ótti.

Onyń barysynda taraptar energetıka, taý-ken metallýrgııa kesheni, medıtsına jáne densaýlyq saqtaý salasyndaǵy yntymaqtastyqty jandandyrýǵa kelisti.




Sonymen qatar Koreıa densaýlyq saqtaý ındýstrııasyn damytý ınstıtýtynyń qoldaýymen densaýlyq saqtaý men farmatsevtıka ónerkásibinde jumys isteıtin 20 iri koreı kompanııasynyń qatysýymen dóńgelek ústel ótkizildi.

Buǵan deıin Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha koreıalyq ınvestorlarmen ózara árekettesý úshin QR Premer-Mınıstriniń orynbasary Roman Sklıar bastaǵan arnaıy jumys toby quryldy.


Joǵary qaraı