Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Vınkonsındegi Rojdestvo sherýi kezinde zardap shekkender sany artty

2021 jyldyń 23 qarasha 2021 15:13

ÝOKEShO. QazAqparat – AQSh-tyń Vıskonsın shtatyndaǵy Rojdestvo sherýi kezinde avtokóliktiń adamdardy jappaı basýy saldarynan zardap shekkender sany 48-ge deıin ósti, dep habarlaıdy QazAqparat BBC-ge silteme jasap.

Vıskonsın shtatyndaǵy Ýokesho qalasyndaǵy Rojdestvo sherýi kezinde jol talǵamaıtyn kóliktiń adamdardy jappaı basýy saldarynan 52-81 jas aralyǵyndaǵy bes adam mert boldy dep habarlandy. Zardap shekkender sany 48-ge jetti.

Polıtsııanyń málimdemesine sáıkes, 39 jastaǵy kishi Darrel Edvard Brýks qamaýǵa alynǵan, oǵan bes adamdy qasaqana óltirdi degen aıyp taǵylady. Ýokesho qalasynyń polıtsııa departamenti bolǵan oqıǵany lańkestik áreket dep baǵalamaıdy.

Qurbandar men zardap shekkender arasynda oqýshylar men egde jastaǵy adamdar bolǵan.

Qazirgi kezde ondaǵan adam gospıtalderde jatyr. Polıtsııanyń málimdeýinshe, jedel jaýap qaıtarý qyzmetteri zardap shekkenderdi alty jergilikti aýrýhanaǵa jibergen.

Vıskonsın shtatynyń balalar pedıatrııalyq aýrýhanasynyń málimetine sáıkes, 18 bala túrli bas jaraqattary jáne synyqtarymen aýrýhanaǵa túsken. Dárigerlerdiń aıtýynsha, zardap shekkenderdiń arasynda úsh jastan 16 jasqa deıingi balalar bolǵan. 10 balaǵa qarqyndy terapııa pedıatrııalyq palatasynda kómek kórsetildi.

Rım-katolık Mılýokı Arhıeparhııasy zardap shekkenderdiń qatarynda din qyzmetshisi, birneshe shirkeýge kelýshi jáne jergilikti katolık mektebiniń bilim alýshylary bar ekenin málimdedi.

Budagn buryn AQSh-tyń Vıskonsın shtatyndaǵy Ýokesho qalasynda Rojdestvo sherýi kezinde avtoóliktiń adamdardy jappaı basqany týraly habarlanǵan bolatyn.

Ýokesho qalasyndaǵy sherý dástúrli túrde jyl saıyn Alǵys aıtý kúniniń aldyndaǵy jeksenbi kúni ótip otyrady. Ótken jyly sherý pandemııanyń saldarynan ótpegen edi.



Basty sózder: AQSh, Oqıǵa, Álem,
Joǵary qaraı