Aýa raıy
Astana -12 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Vladımır Pýtın men Rejep Taıyp Erdoǵan Taýly Qarabaq kelisimine qatysty pikir almasty

2020 jyldyń 11 qarasha 2020 01:52

MÁSKEÝ–ANKARA. TASS–Anadoly-QazAqparat – Reseı Prezıdenti Vladımır Pýtın men Túrkııa Prezıdenti Rejep Taıyp Erdoǵan telefon arqyly sóılesti. Áńgime barysynda RF, Ázerbaıjan men Armenııa arasyndaǵy Taýly Qarabaqta atysty toqtatý kelisimi talqylandy, dep habarlaıdy QazAqparat.

TASS agenttiginiń málimetinshe, Vladımır Pýtın túrik áriptesine 9 qarasha kúni Ázerbaıjan Prezıdenti Ilham Álıevpen jáne Armenııa premer-mınıstri Nıkol Pashınıanmen jasalǵan úshjaqty kelisim týraly aqparat bergen. Rejep Taıyp Erdoǵan Reseıdiń bitistirýshi tarap retindegi kúsh-jigerin joǵary baǵalap, bul jaǵdaı Taýly Qarabaq qaqtyǵysyn retteýdiń uzaqmerzimdi jáne bárin tegis qamtıtyn satysyna ótýge jaqsy negiz bolatynyn aıtqan.

Eki el basshysy sonymen qatar atysty tolyq toqtatýdaǵy kelisiminiń mańyzyn atap ótti. Bul soǵys qımyldaryn tejeýge múmkindik bergen.

Anadoly agenttiginiń jazýynsha, Túrkııa Prezıdenti Rejep Taıyp Erdoǵan kelissóz barysynda keshe keshkisin Taýly Qarabaq problemasyn túpkilikti sheshýge durys qadam jasalǵanyn aıtqan.

Túrik Respýblıkasy Prezıdentiniń sózine qaraǵanda, bul kezeńde eń mańyzdy másele - Armenııanyń Ázerbaıjan, RF jáne Armenııa arasynda jasalǵan úshjaqty kelisimniń talaptaryn buljytpaı oryndap, oq atpaýy bolyp otyr.

Eske sala keteıik, keshe Reseı Prezıdenti Vladımır Pýtın Taýly Qarabaqta atysty toqtatý týraly kelisim jasalǵanyn málimdegen edi. Atalǵan qujatqa Ázerbaıjan Respýblıkasynyń Prezıdenti Ilham Álıev, Armenııa Respýblıkasynyń Premer-Mınıstri Nıkol Pashınıan jáne Reseı Federatsııasynyń Prezıdenti Vladımır Pýtın qol qoıǵan.

Onda 2020 jylǵy 10 qarashada Máskeý ýaqyty boıynsha 00 saǵat 00 mınýttan bastap Taýly Qarabaq aımaǵyndaǵy atysty jáne barlyq soǵys áreketterin tolyq toqtatý týraly kelisim jarııalanǵan.


Joǵary qaraı