Aýa raıy
Astana -4 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Vladımır Zelenskıı koronavırýstan jazylyp, jumysqa shyqty

2020 jyldyń 23 qarasha 2020 17:09

KIEV.Ýkrınform - QazAqparat – Ýkraına prezıdenti Vladımır Zelenskııdiń COVID-19-ǵa tapsyrǵan testi teris nátıje kórsetti. Bul týraly QazAqparat Ýkrınformǵa silteme jasap habarlaıdy.

«Meniń koronavırýsqa tapsyrǵan test teris nátıje kórsetti. Medıtsınalyq maskalar, ózin-ózi oqshaýlaý, áleýmettik qashyqtyq, teńdestirilgen dárýmendik baǵdarlamalar, sport rejımi qazir mindetti bolyp tabylatynyn túsiný kerek. Munyń bári óte mańyzdy. Osynyń bári bizge úmit beredi»,-dep jazdy Vladımır Zelenskıı jelidegi paraqshasynda.

Ýkraına prezıdenti búginnen bastap jumysqa oralǵanyn habarlady.

Buǵan deıin Prezıdent keńsesiniń basshysy Andreı Ermaktyń da koronavırýsqa tapsyrǵan testi teris nátıje kórsetken edi.

Eske sala keteıik, 9 qarasha kúni Ýkraına prezıdenti Vladımır Zelenskııden, Prezıdent keńsesiniń basshysy Andreı Ermaktan koronavırýs anyqtalǵan bolatyn. Keıinnen olar Ýkraına «Feofanııa» aýrýhanasyna jatqyzylǵan edi.

Qazaqstan Prezıdenti Qasym-Jomart Toqaev COVID-19 juqtyrǵan Ýkraına basshysy Vladımır Zelenskııdiń tezirek jazylyp ketýine tilektestigin bildirdi.


Basty sózder: Álem, Ýkraına, Koronavırýs,
Joǵary qaraı