Aýa raıy
Astana 29 °S
Almaty 32 °S
valıýta baǵamy
USD 386.70
EUR 427.15
RUB 6.06
CNY 54.57

Zapastaǵy ofıtserler elordada ótetin oqý-jattyǵý jıyndaryna shaqyryldy

2019 jyldyń 23 tamyz 2019 23:25

NUR-SULTAN. QazAqparat - Nur-Sultan qalasy Qorǵanys isteri jónindegi departamenti 2019 jylǵy 10 qyrkúıek pen 10 qazan aralyǵynda oqý-jattyǵý jıyndaryn ótkizedi, dep habarlaıdy QazAqparat elorda ákimdiginiń resmı saıtyna silteme jasap.

Nur-Sultan qalasynyń áskerı oqý mekemelerine zapastaǵy 87 ofıtser shaqyrylatyn bolady.

Atalǵan jıyndar jumyldyrý resýrstaryn daıarlaý jáne qaıta daıarlaý, dalalyq daǵdyny jáne is-qımyldar úılesimdigin arttyrý maqsatynda ótkiziledi. Sonymen qatar jıyndardyń basty mindeti retinde – jaýyngerlik úılesimdilik is-sharalaryn uıymdastyrý jáne júrgizý máseleleri boıynsha bilimderi men tájirıbelik daǵdylaryn jetildirý, qoıylǵan mindetterdi oryndaý barysynda bólimshelerdi basqarýdy uıymdastyrý anyqtalǵan.

Jıynnan ótýge 40 jasqa deıingi, densaýlyq jaǵdaıy boıynsha áskerı qyzmetke jaramdy zapastaǵy ofıtserler shaqyrylady.

QR zańnamasyna sáıkes, jıynǵa qatysýshylardyń jumys orny saqtalyp, Qorǵanys mınıstrligimen qarastyrylǵan ortasha eńbekaqy tólenedi.

Áskerı oqý jıyndarynyń baǵdarlamasyn sátti meńgergen zapastaǵy ofıtserlerge kezekti áskerı shender beriledi.

Basty sózder: Nur-Sultan, Ásker,
Joǵary qaraı