Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Zaısan kóline balyq aýlaýǵa ketken eki adam 3 kúnnen beri tabylmaı jatyr

2020 jyldyń 23 qarasha 2020 08:28

TARBAǴATAI. QazAqparat - Shyǵys Qazaqstan oblysynyń qutqarýshylary úsh kúnnen beri Zaısan kóline balyq aýlaýǵa baryp, iz-túzsiz ketken eki balyqshyny izdestirip jatyr, dep habarlaıdy QazAqparat oblystyq tótenshe jaǵdaılar departamentine silteme jasap.

Tarbaǵataı aýdanynda 1990 jáne 1981 jyly týǵan eki balyqshy 20 qarashada balyq aýlaýǵa shyǵyp, sodan beri oralmaǵan.

21 qarasha tańerteń oqıǵa ornyna quramynda 10 adamy bar top pen bir arnaıy tehnıka, «Pegas» qaıyǵy attandy.

«Odan bólek oblystyq ákimdiktiń Mı-8 tikushaǵy da balyqshylardy izdeýge jumyldyryldy. Jergilikti polıtsııanyń ushatyn apparaty men jergilikti 50 turǵyn da osy iske atsalysyp jatyr» delingen habarlamada.

Sol kúni balyqshylardyń qaıyǵynyń benzın quıatyn ydysy tabyldy.

Keshe, ıaǵnı 22 qarashada súńgýir mamandar arnaıy quraldyń kómegimen kól betindegi muzdyń astynda izdeý jumysyn júrgizdi.

Keshke qaraı joǵalǵandardyń qaıyǵy tabyldy. Qutqarýshylar balyqshylardyń qaıyǵyn muz astynan alyp shyqty.

Al búgin súńgýirler sý astyndaǵy izdeý jumysyn jalǵastyrady.














Joǵary qaraı