Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Zaısandaǵy gazdy eksporttaý máselesi týraly arnaıy komıssııa qurylady – mınıstr

2022 jyldyń 12 mamyr 2022 16:23

NUR-SULTAN. QazAqparat – QR Energetıka mınıstri Bolat Aqsholaqov Zaısandaǵy gazdy Qytaıǵa eksporttaýdy toqtatý máselesine pikir bildirdi, dep habarlaıdy QazAqparat.

6 mamyr kúni «Tarbaǵataı Munaı» kompanııasyna shetelge gaz eksporttaýǵa tyıym salynýy múmkin ekeni habarlanǵan edi.

«Keshe ǵana turǵyndarmen kezdesý ótti. Oǵan meniń orynbasarym qatysty. Ákimniń orynbasary boldy. Jergilikti turǵyndarmen birigip, komıssııa quratyn boldyq. Eger olar eksportqa kelisetin bolsa – jalǵastyramyz», - dedi mınıstr Úkimet otyrysynan keıin tilshilerge bergen suhbatynda.

Mınıstrdiń aıtýynsha, qazirgi ýaqytta «Sarybulaq» ken ornynda gazdyń 300-400 mln tekshe metri qalǵan. Al Zaısan aýdanynyń jyldyq tutyný kólemi – 20-25 mln tekshe metr.

«Sondyqtan sanasaq, Zaısannyń 10-12 jylǵa jetetin gazy bar. Biraq ol da shekteýli. Erteń gaz taýsylǵannan keıin ne isteımiz degen másele kóteriledi. Árıne, oǵan ýaqyt kerek. Eger jergilikti ákimdik qalǵan shekteýli gaz mólsherimen aınaladaǵy aýmaqtyń bárin gazǵa qosa beretin bolsa, onda gaz 11 jylǵa emes, 5 jylǵa da jetpeýi múmkin. Gaz eksportyn Qytaıǵa ýaqytsha toqtattyq. Keshe kezdesý barysynda komıssııa qurý kerektigine kózimiz jetti. Mınıstrlik ókildirimen qatar ol komıssııaǵa jergilikti turǵyndar da kiredi. Eger olar eksportty toqtatý kerek dese, onda biz toqatatamyz», - dedi B. Aqsholaqov.


Joǵary qaraı