Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Zeınetaqy Qory salymshylarynyń ınvestıtsııalyq tabysy 1,1 trln teńgege jetti

2020 jyldyń 25 qarasha 2020 11:31

ALMATY. QazAqparat - Biryńǵaı jınaqtaýshy zeınetaqy qory salymshylarynyń jyl basynan bergi ınvestıtsııalyq tabysy 1,1 trln teńgeni qurady, dep habarlaıdy QazAqparat qordyń baspasóz qyzmetine silteme jasap.

«BJZQ» AQ zeınetaqy jınaqtarynyń somasy 12,6 trıllıon teńgeden asty. Oǵan zeınetaqy jarnalary men ınvestıtsııalyq tabystyń kiretini belgili.

«Táýekelderdi azaıtý maqsatynda ınvestıtsııalyq portfel ınvestıtsııalaý túrleri, baǵyttary, onyń ishinde valıýtalar boıynsha ártaraptandyrylǵan. Qazirgi ýaqytta ınvestıtsııalardyń 2/3 jýyǵy teńgemen jáne 1/3 jýyǵy shetel valıýtasymen, onyń basym bóligi AQSh dollarymen nomınaldanǵan. Salymshylardyń (alýshy) zeınetaqy jınaǵynyń somasy zeınetaqy aktıvterin ınvestıtsııalaý nátıjesine sáıkes kún saıyn qaıta esepteledi jáne qaıta baǵalanady. Investıtsııalyq tabystyń quramyna baǵaly qaǵazdar (salymdar jáne basqa da operatsııalar) boıynsha syıaqy, qarjy quralyn naryqta qaıta baǵalaý, valıýtalyq qaıta baǵalaý, syrtqy basqarýdaǵy aktıvter boıynsha kirister kiredi», – dep habarlady qordan.

Jyldyń 10 aıynda 2020 jyldyń 1 qańtarynan bastap 31 qazanyna deıin salymshylardyń shottaryna 1,1 trln teńge mólsherinde taza ınvestıtsııalyq kiris esepteldi. Bul 2019 jyldyń sáıkes kezeńindegi kórsetkishten eki ese artyq.

Aıta keteıik, bir jyl ishindegi kiristilik 7,1% ınflıatsııa kezinde 10,88% boldy. Bul rette 2020 jyldyń basynan bastap kiris 9,94%, al ınflıatsııa 5,5% qurady.


Avtor Alma Muqanova
Basty sózder: Zeınetaqy júıesi,
Joǵary qaraı